وش ویب:نیشنل پارٹی کے صوبائی صدر و نومنتخب ایم پی اے میر رحمت صالح بلوچ نے جاری بیان میں کہا ہے گوادر اس وقت شدید مشکل میں ہے بارش اور سیلاب کا پانی ابھی تک لوگوں کے گھروں میں موجود ہے جس سے گوادر کے عوام کو مختف قسم کی بیماریوں کا خدشہ ہے۔
عوام کے گھروں سے پانی کو فوری طور پر نکالنے کی ضرورت ہے۔امداد و بحالی کے عمل کو مذید تیز کیا جائے۔
رہنماوں نے کہا کہ گوادر کو سی پیک کا محور قرار دینے والے آئیں اور دیکھیں کہاں ہے سی پیک کہاں ہے محور اور کہاں ہے ترقی۔انہوں نے کہا کہ گوادر میں برسوں سے حکمرانی کرنے والے بھی انفراسٹراکچر کو بہتر کرتے تو نکاسی آب ممکن ہوتا ہے اور باران رحمت عوام کے لیے زحمت کی شکل اختیار نہ کرتا۔
نیشنل پارٹی کے صوبائی صدر نے کہا کہ بارش کے تسلسل جاری ہے بلوچستان کے دیگر علاقوں میں بھی عوام کے تحفظ کو یقینی بنانے کی ضرورت ہے۔اس لیے امداد و بحالی کے ادارے اپنی ذمہ داریوں میں کوتاہی نہ کریں۔