کوئٹہ (بلال فیروز):بلوچ یکجہتی کمیٹی کی جانب سے صوبہ بھر کی طرح کوئٹہ میں بھی سیلاب متاثرین کیلئے 3 روزہ امدادی کیمپ قائم کیے گئے ہیں ۔
تفصیلات کے مطابق گزشتہ دنوں مسلسل بارشوں کے باعث گوادر اور بلوچستان کے دیگر علاقے بھی زیر آب آگئے اور لوگوں کے گھروں میں بھی پانی داخل ہونے کے باعث بڑا مالی اور جانی نقصان ہوا جس کے پیش نظر بلوچ یکجہتی کمیٹی نےکوئٹہ اور بلوچستان بھر میں امدادی کیمپ قائم کیے گئے ہیں۔
جہاں وہ عوام سے چندہ اور روز مرہ استعمال کی دیگر اشیاء جمع کر کے سیلاب متاثرہ علاقوں تک پہنچانے کا عزم رکھتے ہیں۔ اس موقع پر امدادی کیمپ کے منتظمین نے وش نیوز سے بات کرتے ہوئے کہا کہ حکومت کی جانب سے سیلاب متاثرین کیلئے امداد کا اعلان تو کیا گیا ہے مگر گراؤنڈ پر کوئی کام نہیں کیا جا رہا لہذا ہم اپنی مدد آپ کے تحت سیلاب متاثرین کیلئے امداد اکٹھا کرنے نکلے ہیں اور عوام سے اپیل کرتے ہیں کہ آگے بڑھ کر بلوچ قوم کو اس مشکل وقت سے نکالیں اور اپنےانسان دوست ہونے کا ثبوت دیں ۔