وش نیوز : وزیرِ اعلیٰ سندھ مراد علی شاہ کی ہدایت پر کراچی میں پرائس کنٹرول پروگرام شروع ہو گیا۔کمشنر کراچی نے اشیائے خوردونوش کی قیمتوں کے نوٹیفکیشن جاری کر دیے۔
ترجمان وزیرِ اعلیٰ سندھ نے کہا ہے کہ قیمتوں کو کنٹرول کرنے کے لیے انتظامیہ پرائس چیک کرے گی، دودھ کی ڈیری فارمر قیمت 180روپے، ہول سیل 188روپے اور رٹیل 200 روپے فی لیٹر مقرر کی گئی ہے۔نوٹیفکیشن کے مطابق چینی کی ہول سیل رقم 123روپے فی کلو اور رٹیل پرائس 130روپے ہے جبکہ ایکس فلور مل آٹا 120روپے، ہول سیل 123روپے اور رٹیل 128روپے مقرر کیا گیا ہے۔
فائن ایکس فلور مل آٹا 130روپے، ہول سیل 133 روپے اور رٹیل 138روپے جبکہ چکی کے آٹے کی رٹیل قیمت 140روپے مقرر کی گئی ہے۔بکرے کے گوشت کی قیمت 1700، بکری کا گوشت 1450 اور دنبہ 1590 روپے فی کلو مقرر کی گئی ہے جبکہ زندہ فارمی مرغی کی قیمت 366 روپے، ہول سیل 378 اور رٹیل386 روپے مقرر کی گئی ہے جبکہ مرغی کا گوشت 598 روپے فی کلو مقرر ہے۔ترجمان کا کہنا ہے کہ کریانہ اور بیکری آئٹمز کی بھی اشیائے کی قیمتوں کے نوٹیفکیشن جاری کیے گئے ہے.
