وش ویب:کراچی سے چھینی اور چوری کی جانیوالی قیمتی گاڑیوں اور ہیوی بائیکیں اندرون بلوچستان منتقل کرنے اور گاڑیوں کی مالکان کو واپسی کے عوض تاوان کی وصولی کےلئے حب شہر مرکز بن گیا .
اس بات کا انکشاف ملک کے ایک بڑے نجی نیوز چینل پر نیو کراچی کے علاقہ سے چوری کی جانیوالی کار کے مالک سے تاوان کی وصولی کےلئے موبائل فون پر کی جانے والی گفتگو کے بارے میں نشر کی جانے والی ایک خصوصی رپورٹ میں کیا گیا جبکہ اس کے علاوہ کراچی اینٹی وہیکل لفٹنگ سیل (AVLC)نے بھی اپنی تحقیقاتی رپورٹ میں حب شہر سے تعلق رکھنے والے بعض افراد کے نام طشت ازبام کئے ہیں اے وی ایل سی کی تحقیقات او ر نیوز چینل پر خبر نشر ہونے کے بعد حب میں گزشتہ کئی روز کھلبلی مچ گئی ہے رپورٹ میں اس بات کا بھی انکشاف کیا گیا ہے کہ اسطرح کی کارستانیاں پولیس کی چھتر چھایہ اور بعض بااثر شخصیات کی پشت پناہی میں کی جارہی ہیں ذرائع بتاتے ہیں کہ کوئٹہ کراچی قومی شاہراہ براستہ لسبیلہ حب سمیت اسمگلنگ اور مسروقہ گاڑیوں اور منشیات کے ٹھکانوں تک پہنچانے کےلئے مختلف کچے اور خفیہ راستے استعمال کئے جاتے ہیں جہاں تک نہ صرف پولیس سمیت دیگر صوبائی اور وفاقی فورسز کی خفیہ چوکیاں بھی قائم ہیں لیکن ان معاملات کی روک تھام کے بجائے اس کالے دھندے کو چند سکوں کے عوض دوام بخشاجارہا ہے سرکاری چیک پوسٹوں پر ایرانی تیل بردار گاڑیوں سے تیل نکالنے کے معاملات بھی اب تو سوشل میڈیا پر وائرل ہو چکے ہیں ذرائع بتاتے ہیں کہ کراچی سے مسروقہ گاڑیوں کے عوض تاوان کی وصولی کےلئے حب اور ساکران کے مضافاتی علاقوں کو مرکز بنا دیا گیا ہے جبکہ دوسری جانب کوئٹہ اور چمن سے نا ن کسٹم ڈیوٹی پیڈ کابلی گاڑیوں کی کراچی اور پھر اندرون ملک کے مختلف حصوں میں پہنچانے کےلئے لسبیلہ اور حب کے راستے استعمال کئے جارہے ہیں ۔