وش ویب:نگراں وزیر اعلٰی بلوچستان کا گوادر میں بارشوں سے ہونے والے نقصانات پر اظہار افسوس کرتے ہوئے کہا کہ گوادر میں مسلسل بارشوں سے غیر معمولی صورتحال پیدا ہوئی،پی ڈی ایم اے اور ضلعی انتظامیہ ریسکیو کارروائیوں میں مصروف ہیں .
انکا کہنا تھا کہ رابطہ سڑکیں زیر آب آنے سے ریسکیو کارروائیوں میں مشکلات کا سامنا ہے،
پینے کے صاف پانی کی فراہمی کے لئے ضلعی انتظامیہ کو ہنگامی اقدامات اٹھانے کی ہدایات جاری کردی گئی،
متاثرہ علاقوں میں ریسکیو آپریشن جاری ہے،ریسکیو ٹیموں کو مطلوبہ مشینری فراہم کر دی گئی ہے.
انکا مزید کہنا تھا کہ زیر آب علاقوں سے عوام کو محفوظ مقامات پر منتقل کیا جا رہا ہے،
سطح آب کم ہونے پر رابطہ سڑکوں کی بحالی کے لئے بلا تاخیر اقدامات اٹھائے جائیں.