وش ویب : خانوزئی اور کان مہترزئی میں متوقع برفباری، عوام کو غیر ضروری سفر سے گریز کی ہدایت
ڈی آئی جی نیشنل ہائی ویز اینڈ موٹروے پولیس نے کہا ہے کہ خانوزئی اور کان مہترزئی کے مقام پر متوقع برف باری اور بارش کے پیش نظر شہریوں سے درخواست ہے کہ غیر ضروری سفر سے گریز کریں اپنا سفر دن کی روشنی میں مکمل کر کے سورج ڈھلنے سے پہلے اپنے منزل مقصود تک پہنچ جائیں ۔
انہوں نے مزید کہاکہ دوران سفر تیز رفتاری سے پرہیز کریں اور اگلی گاڑی سے مناسب فاصلہ معمول سے زیادہ رکھیں سفر شروع کرنے سے پہلے موٹروے پولیس ہیلپ لائن 130 سے معلومات حاصل کی جا سکتی ہیں اس کے علاوہ نیشنل ہائی ویز اینڈ موٹروے پولیس کے افیشل سوشل میڈیا اکاو¿نٹ سے بھی تازہ ترین معلومات حاصل کی جا سکتی ہیں۔
