وش ویب : نیشنل پارٹی کے سینئر رہنماءسینیٹر طاہر بزنجو نےاپنے بیان میں کہاہے کہ بلوچستان میں حقیقی امیدواروں اور نمائندوں کو شرمناک دھاندلی سے ہرایا گیاہے
انھوں نے کہا ہے کہ ہم مبینہ دھاندلی زدہ انتخابات کو مکمل طور پر مسترد کرتے ہیں، شفاف انتخابات الیکشن کمیشن کی ذمہ داری تھی اس میں وہ مکمل طور پر ناکام ہوئے، چیف الیکشن کمشنر کیخلاف آئین شکنی کا مقدمہ قائم کیا جائے۔
ایوان بالا میں عوامی اہمیت کے حامل معاملہ پر بات کرتے ہوئے سینیٹر طاہر بزنجو نے کہا کہ حالیہ انتخابات میں ہماری جماعت کے امیدواروں کو چن چن کر ہروایا گیا، ہماری پارٹی کے سربراہ سمیت دیگر ہمارے سیاسی رہنماﺅں کو بھی دھاندلی سے ہرایا گیا، بلوچستان میں پہلے ہی امن و امان کی صورتحال خراب ہے، منشات فروشوں وغیرہ کو دھاندلی سے جتوایا گیا، 8 فروری سے تاحال تمام جماعتیں دھرنے پر بیٹھی ہیں اور احتجاج کررہی ہیں، ہم دھاندلی زدہ انتخابات کو مکمل طور پر مسترد کرتے ہیں۔
