وش ویب:بلوچستان کی دوسری بڑی یونیورسٹی بلوچستان یونیورسٹی آف انفارمیشن ٹیکنالوجی انجینئرنگ اینڈ مینجمنٹ سائنسز بیوٹمز کے ملازمین کو گزشتہ تین ماہ سے صرف بنیادی تنخواہ ادا کی جارہی ہے۔
بیوٹمز کے ذرائع کے مطابق جامعہ کو شدید مالی بحران کا سامنا ہے جبکہ اسکا مالی خسارہ 1 ارب 20 کروڑ روپے تک تجاوز کرچکا ہے۔ دوسری جانب بلوچستان حکومت کی جانب سے جامعہ کیلئے اضافی گرانٹ تاحال مہیا نہیں کی جاسکی .
بیوٹمز اسٹاف ایسوسی ایشن کے صدر نعمان خان کاکڑ، کابینہ کے دیگر ارکان نے حکومت بلوچستان اور جامعہ کی انتظامیہ سے مطالبہ کیا ہے کہ جامعہ کے ملازمین کی تنخواہوں کی عدم ادائیگی کی وجہ سے اپنی تمام جمع پونچی خرچ کر چکے ہیں لہذا صوبائی حکومت فوری طور پر جامعہ کو گرانٹ کی ادائیگی یقینی بنائے۔