وش ویب:کراچی کے علاقے شاہ فیصل کالونی نمبر ایک سبزی منڈی مارکیٹ کے قریب فائرنگ سے ایک شخص جاں بحق، دوسرا زخمی ہوگیا، پولیس کے مطابق واقعہ ذاتی دشمنی معلوم ہوتا ہے۔سبزی منڈی مارکیٹ کے قریب نامعلوم افراد کی فائرنگ سے 1 نوجوان جاں بحق جبکہ دوسرا زخمی ہونے کا واقعہ آج دوپہر کے وقت پیش آیا۔جاں بحق شخص کی شناخت جاوید اور زخمی کی علی کے نام سے ہوئی ہے۔ لاش اور زخمی کو اسپتال منتقل کر دیا گیا ہے۔دوسری جانب پولیس کا کہنا ہے کہ ابتدائی تحقیقات میں واقعہ ذاتی دشمنی کا شاخسانہ معلوم ہوتا ہے، جسے ڈکیتی مزاحمت کا رنگ دیا جا رہا ہے۔واضح رہے چند دن پہلے بھی کراچی کے علاقے شاہ فیصل میں فائرنگ سے سیاسی جماعت کا کارکن جاں بحق ہو گیا تھا۔