وش ویب:اسلام آباد میں زرداری ہاؤس میں پی پی چیئرمین بلاول بھٹو زرداری، ن لیگ کے صدر شہباز شریف اور سابق صدر آصف علی زرداری نے مشترکہ پریس کانفرنس کی تھی۔ذرائع کے مطابق گورنر پنجاب کے لیے مخدوم احمد محمود، قمر زمان کائرہ اور ندیم افضل چن کے نام زیرِ غور ہیں۔اس حوالے سے ذرائع کا کہنا ہے کہ مخدوم احمد محمود پارٹی قیادت کی پہلی ترجیح ہوں گے اور وہ مسلم لیگ ن کے لیے بھی قابلِ قبول ہوں گے۔
واضح رہے کہ مسلم لیگ (ن) اور پاکستان پیپلز پارٹی (پی پی پی) کی قیادت نے گزشتہ روز وفاق میں حکومت سازی اور پاور شیئرنگ کا فارمولہ بتادیا تھا۔نیوز کانفرنس کے دوران بلاول بھٹو زرداری نے کہا تھا کہ شہباز شریف ایک بار پھر ملک کے وزیراعظم بنیں گے جبکہ صدر مملکت کے لیے آصف علی زرداری ہمارے مشترکہ امیدوار ہوں گے۔