وش ویب:سینیٹ کی قائمہ کمیٹی برائے انسانی حقوق کا سینیٹر ولید اقبال کی زیر صدارت اجلاس منعقد ہوا، اجلاس میں وزارت خارجہ نے کمیٹی کو بریفنگ دیتے ہوئے بتایا کہ اس وقت 23 ہزار 456 پاکستانی شہری دنیا کے مختلف جیلوں میں قید ہیں، 15 ہزار 587 پاکستانیوں کو سزائیں ہوچکی ہیں جبکہ 7 ہزار سے زائد پاکستانی شہریوں کے ٹرائل مختلف عدالتوں میں جاری ہیں۔حکام کا کہنا تھا کہ بھارت میں قید پاکستانیوں کی تعداد 706 ہے، سعودی عرب میں قید پاکستانیوں کی تعداد 12 ہزار 156 ہے جبکہ متحدہ عرب امارات میں قید پاکستانیوں کی تعداد 5 ہزار 292 ہے۔حکام کے مطابق امریکا میں 44 جبکہ یو کے میں قید پاکستانیوں کی تعداد 330 ہے، چین میں قید پاکستانیوں کی تعداد 400 ہے اور یونان میں قید پاکستانیوں کی تعداد 811 ہے۔