وش ویب:مسلم لیگ (ن )کے مرکزی صدر وسابق وزیر اعظم میاں شہباز شریف نے کہا ہے کہ ہمیں ملک بالخصوص بلوچستان کی فلاح، بہبود کے لئے تندہی سے کام کرنے کی ضرورت ہے۔یہ بات انہوں نے مسلم لیگ (ن )کے مرکزی رہنماءنومنتخب رکن صوبائی اسمبلی میر عاصم کرد گیلو سے ملاقات کے دوران گفتگو کر تے ہوئے کہی۔ ملاقات ملک احمد خان ، عطاءتارڑ اور میاں شہباز شریف کے صاحبزادے میاں سلمان شہباز بھی موجو د تھے۔ ملاقات میں بلوچستان کے میگا پراجیکٹس، صحت تعلیم ، سی پیک، امن وامان جیسے منصوبوں پر تفصیلی تبادلہ خیال اور سی پیک کے نامکمل منصوبوں کو مکمل کرنے جیسے معاملات کا جائزہ بھی لیا گیا۔ اس موقع پر میر عاصم کرد گیلو نے میاں شہباز شریف کو بلوچستان میںحکومت سازی کے سلسلے میں جمعیت علماءاسلام سمیت آزاد منتخب ہونے والے اور اپنی جماعت کے نومنتخب اراکین بلو چستان اسمبلی سے متعلق تفصیلات سے بھی آگا ہ کیا۔ اس پرسابق وزیراعظم میاں محمد شہباز شریف نے رابطوں کو مزید تیز کرنے پر زور دیتے ہوئے کہا کہ ہمیں ملک بالخصوص بلوچستان کی فلاح ، بہبود کے لئے تندہی سے کام کرنے کی ضرورت ہے۔