وش ویب: محکمہ پبلک ہیلتھ پسنی کے شہریوں کو پانی سپلائی کرنے میں ناکام ہوگئی.علاقے میں پانی کا بحران شدت اختیار کرگیا،علاقہ مکین ٹینکر مافیا سے مہنگے داموں میں پانی خریدنے پر مجبور ہو گئے.
پسنی میں دو ہفتے سے زیادہ کا عرصہ گزر گیا، شہر میں پانی کی سپلائی معطل ہے ،جس سے شہری پانی کی بوند بوند کو ترس رہے ہیں اور حصول آب کے لیے سرگرداں نظر آتے ہیں. ٹینکر مافیا سے مہنگے داموں میں پانی خریدنے پر مجبور ہیں۔ ذرائع کے مطابق محکمہ پبلک ہیلتھ ڈیزل کی مد میں مقروض ہونے کی وجہ سے ڈیلر نے محکمے کو ڈیزل کی فراہمی بند کردی ہے، جس سے پسنی شہر سمیت ضلع کے بیشتر پمپنگ اسٹیشن بند پڑے ہیں اور ضلع بھر کے مختلف علاقوں میں پانی کا بحران پیدا ہوگئی ہے.
واضح رہے کہ ایک ماہ قبل مذکورہ مسئلے پر پسنی کے شہریوں نے کوسٹل ہائی وے کو بلاک کردیا تھا اور انتظامیہ نے ان سے مذاکرات کرکے محکمہ کو ڈیزل فراہم کردیا تھا جبکہ ایندھن کی فراہمی کے بعد سپلائی آب کا نظام بحال کردیا گیا تھا مگر اب ایک ماہ بعد ایک مرتبہ پھر ڈیزل نہ ہونے کے باعث شہر میں پانی کی سپلائی معطل ہے۔