وش ویب: پشتونخوا ملی عوامی پارٹی کی درخواست پر الیکشن کمیشن نے ریٹرننگ افسران کو چیلنج شدہ حلقوں کے ریکارڈ سمیت22 فروری کو طلب کرلیا ۔

پشتونخواملی عوامی پارٹی نے قومی اور صوبائی حلقوں کے نتائج کو چیلنج کرتے ہوئے الیکشن کمیشن میں درخواست جمع کرائی ہے ۔ جن میں این اے 263، این اے 251پی بی41 ، پی بی 45، پی بی 48، پی بی 49، پی بی 50 اور پی بی 51 کے حلقے شامل ہیں ۔ پارٹی کا دعویٰ ہے کہ ان کے امیدوار رات گئے تک مذکورہ حلقوں پر برتری حاصل کررہے تھے ۔ مگر اگلے دن نتائج میں تبدیلیاں کی گئیں اور ہمارے امیدواروں کی جیت کو شکست میں بدل دیا گیا ۔ پشتونخوامیپ نے انتخابی عمل پر تحفظات کا اظہار کرتے ہوئے کہا کہ آئینی مینڈیٹ کی پاسداری ملک کی ترقی کے لیے بہت ضروری ہے پارٹی نے فرائض میں غلفت برتنے والے ریٹرننگ افسران کے خلاف فوری کارروائی اور فارم 45 کے مطابق نتائج کے اعلان کا مطالبہ کیا۔