کوئٹہ ( بلال فیروز): نگران صوبائی وزیر اطلاعات جان اچکزئی نے چار جماعتی اتحاد کے دھرنے کے حوالے سے اپنے بیان میں کہا کہ عوام نے چار جماعتی اتحاد کے جلسے کو مسترد کردیا۔
نگران صوبائی وزیر اطلاعات کا کہنا تھا کہ صوبے کی عوام صوبے میں ترقی، خوشحالی اور سیاسی استحکام چاہتے ہیں۔ حالیہ انتخابات میں عوام نے مسترد شدہ امیدواروں کا احتساب کیا۔ صوبے کے عوام میں قوم پرست سیاست غیر معروف ہے۔صوبے کے عوام نے چار جماعتی اتحاد کے جلسے کو ناکام بنادیا۔ 8 فروری کو عوام نے اپنا فیصلہ سنا دیا، اب یہ اپنا احتساب خود کریں۔ صوبائی وزیر اطلاعات کا مزید کہنا تھا کہ الیکشن میں دھاندلی کی شکایات کے لئے ٹرائبیونل کا راستہ موجود ہے۔ چار جماعتی اتحاد صوبے کے عوام کی تکالیف کا احساس کرے۔دھرنوں کی سیاست سے صرف عوام کے مشکلات میں اضافہ ہوتا ہے۔
