وش ویب: بلوچستان یونین آف جرنلسٹس نے اپنے جاری بیان میں کہا ہے کہ صحافیوں کے آئینی حق کی جدوجہد میں تنظیم اپنی ذمہ داریوں میں تغافل نہیں برتے گی۔ بی یو جے نے تمام متاثرہ صحافیوں کو دو دن میں درخواستیں جمع کرانے کی ہدایات جاری کردیں۔ بی یو جے کی ایگزیکٹو کمیٹی نے اجلاس کے یک نکاتی ایجنڈے پر تفصیلی گفتگو کے دوران صحافیوں کے ساتھ نا روا غیر قانونی اور غیر آئینی سلوک کی شدید الفاظ میں مذمت کرتے ہوئے عامل صحافیوں کے حقوق کی جنگ عدالتوں میں لڑنے کے عزم کا اعادہ کیا۔
بلوچستان یونین آف جرنلسٹس کی نومنتخب کابینہ کا تعارفی اجلاس صدر خلیل احمد کی زیر صدارت کوئٹہ پریس کلب میں منعقد ہوا۔ اجلاس میں بی یو جے کی قیادت نے صحافتی اداروں کی جانب سے صحافیوں کو برطرف کئے جانے کے طرز عمل پر گہری تشویش کا اظہار کرتے ہوئے عدالتوں سے دادرسی کا فیصلہ کیا ہے۔