کوئٹہ ( بلال فیروز): بلوچستان سے منتخب تمام آزاد اراکین کا حکومت سازی یا کسی جماعت میں شمولیت بارے مشاوتی اجلاس
اجلاس میں نو منتخب اراکین صوبائی اسمبلی ولی نورزئی ، مولوی نور اللہ ، لیاقت لہڑی ، بخت محمد کاکڑ ،اسفندیار کاکڑ بھی شریک جبکہ عبدالخالق اچکزئی ویڈیو لنک کے ذریعے شریک ہوئے . ذرائع کا کہنا تھا کہ آزاد اراکین بلوچستان اسمبلی کے ایک ساتھ کسی سیاسی جماعت میں شمولیت کا فیصلہ ہے. آزاد اراکین اسمبلی سے مسلم لیگ ن اور پیپلز پارٹی کی صوبائی قیادت رابطے میں ہے.جے یو آئی نے بھی بعض آزاد اراکین اسمبلی سے رابطے کئے ہیں. آزاد اراکین اسمبلی کا صوبے کی ترقی اور خوشحالی کیلئے مشترکہ موقف اپنانے کا فیصلہ ہے. آزاد اراکین کا کہنا ہے کہ عوام کے اعتماد پر پورا اترنے کیلئے مشترکہ کوششیں کرینگے. بلوچستان اسمبلی میں صوبے کے عوام کی نمائندگی کیلئے مشترکہ جدوجہد کرینگے .