کوئٹہ ( بلال فیروز): کوئٹہ سمیت بلوچستان کے بیشتر علاقوں میں موسم خشک اور سرد رہے گا. محکمہ موسمیات کے مطابق کوئٹہ میں درجہ حرارت 0 سینٹی گریڈ ریکارڈ کیا گیا. قلات میں درجہ حرارت منفی 1 سینٹی گریڈ ریکارڈ، گوادر اور جیونی میں درجہ حرارت 14 سینٹی گریڈ اور تربت میں درجہ حرارت 15اور 12 سینٹی گریڈ ریکارڈ کیا گیا جبکہ بلوچستان کے بیشتر علاقوں میں موسم خشک اور شمالی اضلاع میں موسم شدید سرد رہے گا.
دوسری جانب 17 فروری سے ایک مغربی سلسلہ پاکستان پر زیر اثر ہوگا.اس کے زیر اثر بلوچستان کے شمال مشرقی علاقوں میں اور سندھ کے ساحلی اور مغربی علاقوں میں بھی بارش کے امکانات موجود ہے۔ بلوچستان کے کچھ علاقے کوئٹہ ،چمن، پشین ،مستونگ، لورالائی، زیارت،مسلم باغ، قلعہ سیف اللہ، ہرنائی ، بارکھان اور کوہلو ہیں ، جہاں بارش کے اچھے امکانات ہیں۔ان علاقوں میں گرج چمک کے ساتھ بارش اور ژالہ باری کے امکانات ہے۔