نصیر آباد ( ریاض بلوچ): نصیر آباد تحصیل تمبو کے علاقے گوٹھ سرکردہ علی نواز خان عمرانی کے رہائشی غلام علی عمرانی نے کہا کہ معمولی بخار ہونے پر اپنی 13 سالہ بیٹی کو علاج کے غرض سے تمبو کے علاقے بی ایچ یو میرواہ لے گیا، جہاں میرواہ کے سرکاری ڈاکٹر نے انجیکشن لگایا، جس کے باعث بچی کی طعبیت فوراً بگڑ گئی او ر وہی پر بچی نے دم توڑ دیا. بچی کے والد نے واقعے کی اطلاع تھا نہ خان کوٹ پولیس کو دی، جس پر پولیس نے واقعے کا نوٹس لیا اور بچی کی لاش کو سو ل ہسپتال منتقل کردیا، جہاں ضروری کاروائی کے بعد لاش کو ورثاء کے حوالے کردیا گیا. علاج کی غرض سے لے جانے والی بچی کی واپسی پر لاش گھر پہنچی تو گھر میں کہرام مچ گیا. ورثاء کی طرف سے بی ایچ یو میرواہ کے سرکاری ڈاکٹر اور اس کے عملے کے خلاف حکومت بلوچستان سے فوری نوٹس لینے اور کاروائی کرنے کی اپیل کی.