وش ویب: وفاقی کابینہ نے انڈونیشیاء کی ائیر لائن کو پاکستان کیلئے سروس شروع کرنے کی منظوری دے دی ہے، ائیر لائن پاکستان کیلئے بی 737 اور اے 320 طیارے استعمال کرے گی اور ہفتہ وار 7 پروازیں شروع کرے گی۔
دوسری جانب ذرائع کا کہنا ہے کہ وفاقی کابینہ نے سیکرٹری تخفیف غربت یوسف خان کو ایم ڈی بیت المال تعینات کرنے کی منظوری دے دی ہے۔
واضح رہے کہ وفاقی کابینہ نے عامر فدا پراچہ کو یکم جنوری کو عہدے سے ہٹایا تھا، ایم ڈی نہ ہونے سے بیت المال کے مالی اور انتظامی منصوبے متاثر ہو رہے تھے، سیکرٹری تخفیف غربت یوسف خان مستقل ایم ڈی کی تعیناتی تک خدمات سر انجام دیں گے۔