کراچی (حیات بلوچ): بلدیہ ٹاون پولیس کا رشید آباد میں نجی اسپتال پر چھاپہ
ذرائع کے مطابق میڈیکل اسٹور پر گٹکا فروخت کرنے والا ایم بی بی ایس ڈاکٹر کو چھاپے کے دوران گرفتار کرلیا. ایس ایس پی کیماڑی عارف اسلم راو کا کہنا تھا کہ میڈیکل اسٹور کا ملازم اور میل اسٹاف نرس بھی گرفتار کیا گیا ہے. کارروائی کے دوران 50 کلو سے زائد گٹکا ماوا برآمد ہوا.چھاپہ مار ٹیم نے گٹکا بنانے کا مٹیریل بھی برآمد کرلیا. ایس ایس پی کے مطابق ڈاکٹرعبداللہ نے اکرم اور خلیف اللہ کے ساتھ سیٹ اپ بنایا تھا. عارف اسلم راو نے انکشاف کیا کہ گٹکا اسپتال کے اندر ہی تیار کی جاتا تھا،کسٹمر میڈیکل اسٹور پر گٹکا خریدنے کے لیے آتے تھے.ملزمان نے گٹکے کو دوائی کا نام دیا ہوا تھا.
ایس ایس پی کا مزید کہنا تھا کہ ایم بی بی ایس ڈاکٹر عبداللہ اسپتال بھی چلا رہا تھا.ملزم کے مطابق وہ جناح اسپتال میں بھی ہاوس آفیسر رہ چکا ہے. ایس ایس پی عارف اسلم راو نے کہا کہ مذید تحقیقات کا عمل جاری ہے
