وش ویب: چمن میں انتخابی دھاندلی اور نتائج کی تبدیلی کیخلاف احتجاج چوتھے روز بھی جاری ہے.
ڈی سی کمپلیکس کے باہر دھرنا چوتھے روز بھی جاری‘ جبکہ چمن آنے جانے والے تمام راستے مکمل بند ہیں سیکورٹی فورسز کی بھاری نفری کی تعیناتی کے باوجود بلوچستان کے سرحدی چمن شہر میں بینک اور سرکاری دفاتر مکمل بند چمن کے بعد پشین ‘ قلعہ عبداللہ ‘ خانوزئی ‘ بوستان ‘ لورالائی ‘ ژوب ‘ کچلاک سمیت اکثریتی پشتون اضلاع مکمل بلاک ہیں .
مظاہرین کا کہنا ہے کہ آر او چمن نے گذشتہ روز 16 پولنگ اسٹیشنوں پر ری پولنگ کی درخواست مسترد کردی ہے 2024 کے الیکشن پاکستان اور خصوصاً بلوچستان کی تاریخ کے متنازعہ ترین الیکشن ثابت ہوئے۔ حکومتی اور ریاستی اداروں کے رویے کی وجہ سے بلوچستان میں مزید نفرتیں پھیلنے کا خدشہ ہے.
ری پولنگ یا ری کائونٹنگ کی درخواستیں مسلسل مسترد کی جارہی ہے جس کے باعث جگہ جگہ دھرنے جاری ہیں،جبکہ پورے صوبے میں کل بروز منگل 13 فروری کو مکمل ہڑتال کی کال دی گئی ہے.