کیچ ( ماجد صمد): تربت کے علاقے آبسر کے رہائشی کا 6 لاپتہ افراد کی عدم بازیابی کیخلاف ڈی بلوچ کراس پر دس روز سے جاری دھرنا ختم ہوگیا۔
لواحقین اورایس پی کیچ ضیاء مندوخیل کے درمیان مذاکرات کامیاب ہوگئے۔ ایس پی کیچ کی جانب سے تین نوجوانوں کو 24 گھنٹوں کے اندر بازیاب کرنے کی یقین دہائی کرائی گئی اور دیگر 3 نوجوانوں کو منظرعام پر لاکر عدالت میں پیش کرنے کی یقین دہائی بھی کی گئی۔
واضح رہے پچھلے دس روز سے تربت ٹو گوادراور کراچی شاہراہ احتجاج کے باعث بند تھی۔
