وش ویب:حیدرآباد میں پولنگ کا سامان تاحال تقسیم نہ ہو سکا، این اے 220 کے پولنگ اسٹاف کو اب تک انتخابی سامان نہیں دیا گیا۔
ڈسٹرکٹ ریٹرننگ افسر طارق قریشی کا کہنا ہے کہ ریٹرننگ افسر (آر او) کے پاس سسٹم کے پاس ورڈ اور آئی ڈی ہوتی ہے، آر او کے لاگ ان کرنے کے بعد ہی سامان کی ترسیل شروع کی جا سکتی ہے۔
انہوں نے بتایا کہ این اے 220 کے ریٹرننگ افسر جہانگیر عامرکی طبیعت ناساز ہو گئی تھی جس کے باعث وہ بیہوش ہوگئے تھے،انہیں این آئی سی وی ڈی منتقل کیا گیا تھا
ڈی آر او کا کہنا تھا کہ ریٹرننگ افسر جہانگیر عامر کی طبیعت بہتر اب ہے، انہیں پولنگ کیلئے سامان کی ترسیل جلد کردی جائے گی۔