وش ویب:ڈسٹرکٹ ریٹرننگ آفیسر کوئٹہ نے اپنے ایک بیان میں کہا ہے کہ مختلف سیاسی جماعتوں کی جانب سے ڈسٹرکٹ ریٹرننگ آفیسر کوئٹہ کے دفتر کے سامنے احتجاج میں لگائے گئے الزامات بے بنیاد ہیں۔
سیاسی جماعتوں کا الزام تھا کہ انتخابی عملہ سیاسی بنیادوں پر تعینات کیا گیا جو کہ سرکاری ملازم نہیں ہیں، اس سلسلے میں احتجاج کے بعد عملے کی لسٹ منگوائی گئی اور تحقیقات کی گئی۔
جس کے بعد حقیقت سامنے آئی کہ الیکشن کیلئے تعینات تمام عملہ سرکاری ملازمت سے وابسطہ ہیں۔جو نام احتجاج کرنے والوں نے دیئے تھے وہ سارے سرکاری ملازم تھے. احتجاج کرنے والوں کو ثبوت دیئے گئے جس پر وہ مطمئن ہوئے۔ اس سلسلے میں سیاسی جماعتوں اور عوام کو ہدایت کی جاتی ہے کہ وہ پروپگنڈے سے اجتناب کریں اور انتخابی عمل کو مشکوک نہ بناہیں۔