وش ویب:کوئٹہ الیکٹرک سپلائی کمپنی(کیسکو)نے 08فروری 2024کوہونے والے عام انتخابات کے دوران بجلی کی مسلسل فراہمی کے لئے تمام انتظامات مکمل کرلئے ہیں اس سلسلے میں چیف ایگزیکٹوآفیسرکیسکو کی خصوصی ہدایات پر کیسکونے جنرل الیکشن2024 ءکے دوران سینٹرل کمپلینٹ سیل زرغون روڈکوئٹہ ( 0819201445 اور 0812829753 ) سینٹرل مانیٹرنگ اینڈایمرجنسی کنٹرول سینٹر قراردیاہے ۔ سینٹرل مانیٹرنگ اینڈایمرجنسی کنٹرول سینٹر چیف انجینئر(اواینڈایم) اورچیف انجےنئرآپریشن ڈائریکٹرکی سربراہی میں ایس ڈی او پرمشتمل عملہ کے ہمراہ تین شفٹوںمیں24گھنٹے مسلسل آپریشنل رہے گا نیز سینٹرل مانیٹرنگ اینڈایمرجنسی کنٹرول سینٹر صوبائی حکومت کے ماتحت سول سیکرٹریٹ میں قائم شدہ کنٹرول سینٹر اورکوئٹہ میں الیکشن کمیشن آف پاکستان کے صوبائی دفتر سے بھی مکمل رابطے میں رہے گا۔ کسی بھی جگہ بجلی منقطع ہونے یا فنی خرابی پیداہونے کی شکایت پر سینٹرل مانیٹرنگ اینڈایمرجنسی کنٹرول سینٹربجلی کی دوبارہ بحالی کےلئے متعلقہ سب ڈویژن کو فوری کارروائی کرنے کاپابند بنائے گا۔کیسکوکے سنٹرل کمپلینٹ سیل تمام فیڈروں سے بجلی کی بندش ، مانیٹرنگ اوربجلی کی صورتحال سے متعلق بھی کیسکوچیف اوردیگر اعلیٰ حکام کوآگاہ کرتارہے گا۔