وش ویب: نگران وزیر اعلی ٰبلوچستان میر علی مردان خان ڈومکی نے بلوچستان ہاؤس آسلام آباد میں منظور شدہ تعمیراتی منصوبے گورنر انیکسی، چیف منسٹر انیکسی اینڈ آفیسز کا سنگ بنیاد رکھا .

اس موقع پر انہیں بریفنگ دیتے ہوئے بتایا گیا کہ ان منصوبوں کا ٹینڈرنگ پراسس مکمل ہوچکا ہے جن کی لاگت 1.6 بلین روپے ہے منصوبوں پر تعمیراتی کام کا آغاز آئندہ ہفتے سے ہوجائے گا اور یہ آئندہ دو سالوں میں مکمل کیا جائیں گے. نگراں وزیراعلیٰ بلوچستان میر علی مردان خان ڈومکی نے کہا کہ بلوچستان ہاؤس آسلام آباد میں منظور شدہ ان تعمیراتی منصوبوں میں کام کے اعلیٰ معیار اور ان کی بروقت تکمیل کو یقینی بنایا جائے تاکہ یہ منصوبے دیرپا اور پائیدار بنیادوں پر پایا تکمیل کو پہنچ سکیں اور مختص وسائل کا درست استعمال ہوسکے اس موقع پر آئی جی پولیس بلوچستان عبدالخالق شیخ اور دیگر حکام بھی موجود تھے۔