قلات (امجدسلامی): قلات کی مہنگائی نے غریب اور دیہاڑی دار طبقہ کو نان شبینہ کا محتاج کردیا .

ملک گیر مہنگائی نے قلات میں بھی اپنے ڈھرے ڈال دئیے ، قلات میں فارمی انڈوں کے قیمتوں میں اچانک اضافہ ہوگیا.
جو دیسی انڈا 15 روپےکا تھا وہ آج 50 روپے فی دانا، جبکہ فارمی انڈے کی قیمت 10 روپے سے بڑھ کر40 روپے فی دانا اور 450 روپیہ فی درجن تک پہنچ گئی.
اس مہنگائی نے عوام کو ذہنی اذیت میں مبتلا کردیا ہے ،عوام کا کہنا ہے کہ ناشتے میں بھی انڈے کھانے سے محروم ہو گئے،وہ صرف خشک روٹی اور چائے سے گزارہ کررہے ہیں ، اس مہنگائی نے عوام کو خودکشی پر مجبور کردیا ہے، تاجر برادری عوام کو دونوں ہاتھوں سے لوٹ رے ہیں ۔
عوام کا مزید کہنا ہے کہ پرائس کنٹرول کمیٹی کو چاہئے کہ بازار میں مہنگائی کو کنٹرول کرنے کیلئے چیک کرے اور نرخ نامہ پر عمل درآمد کرائے۔