شکارپور(بشیر بلوچ):تھانہ میاں صاحب کی حدود ہمایوں کے قریب تیز رفتار مسافر وین درخت سے ٹکرا گئی .
4 افراد موقع پر ہی جاں بحق جبکہ خواتین اور بچوں سمیت 15 سے زائد مسافر زخمی ہوگئے حادثے کے بعد پولیس نے اہل علاقہ کی مدد سے لاش اور زخمیوں کو میاں صاحب ہسپتال منتقل کردیا جہاں تشویش ناک حالت میں زخمیوں کو جیکب آباد ریفر کیا گیا.
پولیس کے مطابق جیکب آباد سے ٹھل جانے والی مسافر وین کا تیز رفتاری میں ایکسل راڈ ٹوٹنے کے باعث حادثہ پیش آیا ،جاں بحق ہونے والوں میں طارق برڑو، عبدالنبی برڑو، سجاد سرکی اور افخانی لاشاری شامل ہیں جبکہ زخمیوں میں عامر پٹھان، شمس الدین ،ماچهی موسی جڑیل، صبا لاشاری سمیت دیگر شامل ہیں.