کوئٹہ (بلال فیروز) : کوئٹہ میں نگران صوبائی وزیر اطلاعات بلوچستان جان اچکزئی نے پریس کانفرنس کرتے ہوئے کہا ہے کہ بلوچستان حکومت بروقت انتخابات کے لیے تیار ہے،
8 فروری کو انتخاب پرامن ماحول میں ہوں گے، عوام 8 فروری کو ووٹ دینے کے لیے گھروں سے نکلیں اور اپنا حقِ رائے دہی استعمال کریں۔
انھوں نے بتایا ہے کہ سبی میں تحریک انصاف کی ریلی میں دھماکےکے دوران4 افراد جاں بحق ہوئے، دھماکے میں زخمی ہونے والے افراد کو بہتر طبی سہولیات فراہم کی جارہی ہیں، انھوں نے دھماکے میں جاں بحق ہونے والے افراد کے لواحقین سے اظہار ہمدردی اور لواحقین کےلئے صبر جمیل کی دعا۔�
صوبائی وزیر اطلاعات بلوچستان جان اچکزئی نے مچھ میں گزشتہ روز دہشتگرد حملے کی پر زور مذمت کرتے ہوئے سیکیورٹی فورسز کی بر وقت کاروائی کو سراہا ہے۔ سیکیورٹی فورسز کی مربوط کارروائی اور حکمت عملی سے عوام کو تحفظ فراہم کیا گیا۔ عوام کی جان و مال کے تحفظ کو یقینی بنانے میں فورسز کی لازوال قربانیاں ہیں۔انہوں نے کہا ہے کہ دہشتگردوں کا صفایا کر کے امن و امان کا قیام یقینی بنایا جائے گا۔
