.جعفرآباد: ( مصری بگٹی ) سابق صوبائی وزیر سردار یار محمد رند نے کہا ہے کہ پاک ایران جنگ انتخابات پر اثر انداز نہیں ہوگی، سیسز فائرہوچکا ہے، اب ماحول سازگار ہے انتخابات ہونے چاہیے
.جعفرآباد میں میڈیا سے بات چیت کرتے ہوئے سردار یارمحمد رند نے کہا ہے کہ بلوچستان میں ایک ٹرینڈ بن گیا ہے۔ کسی پارٹی کا سربراہ آتا ہے تو سارے سیاستدان وہاں بھاگ جاتے ہیں۔ اللہ کے فضل سے میں آزاد امیدوار کی حیثیت سے الیکشن لڑرہا ہوں مجھے کسی جماعت کی ضرورت نہیں ہے
سابق صوبائی وزیر کا یہ بھی کہنا تھا کہ انتخابات جس انداز میں کیئے جارہے ہیں، میں سخت مایوس ہوں، بہت زیادہ مداخلت ہورہی ہے۔ مجھے کہا گیا ہے کہ رزلٹ ہم اپنی مرضی سے دینگے۔ مجبوری کے عالم میں مجھے قومی اسمبلی کی نشست سے دستبردار ہونا پڑا، جس پرمیں کئی بار ایم این اے منتخب ہواتھا۔ بہت افسوس ہورہا ہے ،اگر اس طرح مداخلت جاری رہی، تو ملک کے لئے بہتر نتائج نہیں ہونگے۔ ہم چاہتے ہیں کہ آزادانہ اور منصفانہ طریقے سے عوامی رائے کو اہمیت دی جائے۔
واضع رہے کہ سردار یارمحمد نے حلقہ این اے 255 پر میر چنگیز خان جمالی، پی بی 14 پر محمدخان لہڑی، پی بی 16 پر میرفائق جمالی اور پی بی 17 پر سردارزادہ فیصل خان جمالی کی حمایت کا اعلان کیا ہے۔
