وش ویب: طورخم سرحدی گزرگاہ 10 روز کی بندش کے بعد دو طرفہ تجارت کیلئے بحال کردی گئی
کسٹم حکام کے مطابق دو طرفہ تجارت کھلنے کے بعد افغانستان سے پہلی افغان کارگو گاڑی پاکستان میں داخل ہوگئی ہے،
حکام کا کہنا ہے کہ گزشتہ روز پشاور میں منعقد پاکستان اور افغانستان کےدرمیان سفارتی سطح پر مذاکرات میں طے پایا کہ افغان کارگو ڈرائیورز کے 31 مارچ تک سفری دستاویزات بنائیں گے اور یکم اپریل سے سفری دستاویزات کے بغیر کارگو گاڑیوں کے پاکستان میں داخلے پر مکمل پابندی ہوگی، یاد رہے کہ یکم نومبر 2023 کو وفاقی حکومت نے فیصلہ کیا تھا کہ افغان کارگو گاڑیوں کے ڈرائیورز کے بغیر سفری دستاویزات کے پاکستان داخلے پر پابندی عائد ہوگی، مگر 13جنوری کو حکومتی پالیسی پر عملدرآمد کے بعد افغان حکام نے دو طرفہ تجارت کے لیے طورخم سرحد کو بند کردیا تھا، اس دوران سرحد کے دونوں جانب ہزاروں کار گو گاڑیاں پھنس گئی تھیں،0 جوکہ اب تجارتی آمدورفت کیلئے کھول دی گئی ہے،
افغانستان کے ساتھ دو طرفہ تجارت سے ملکی خزانہ کو یومیہ اوسطاً 5 کروڑ روپے ریونیو ملتا ہے۔ 10 روزہ تجارتی بندش سے ملکی خزانہ کو 50 کروڑ روپے رینیو کا نقصان اٹھانا پڑا۔ کسٹم حکام کے مطابق پاکستان میں یومیہ اوسطاً 3 کروڑ ڈالرز کی اشیا برآمد جب کہ 540 ارب روپے مالیت کی اشیا افغانستان سے درآمد کی جاتی ہے.
