کوئٹہ ! (بلال فیروزرپورٹ )کوئٹہ میں نگراں وزیر اطلاعات جان اچکزئی کی پریس کانفرنس۔ ان پریس کانفرنس میں ان کا کہنا تھا کہ گمشدہ بلوچوں کی نوٹنکی لگانے والے افراد بھی بری طرح بے نقاب ہو گئے۔ اسلام آباد میں بلوچ خواتین کاڈرامہ بری طرح فلاپ ہوگیا،یہ ڈرامہ بھارت میں تیار کیا گیا تھا، ماہ رنگ اور ان کی حواری خواتین مزید ایکسپوز ہوگئی ہیں ۔ اس سے پہلے بھی دھرنا دینے والی خواتین کو مذاکرات کی پیشکش کی۔ علیحدگی پسند تنظیموں کے افراد ایران میں بھارت سے ساز باز کر کے پاکستان کے خلاف سازشیں کر رہے تھے۔ مزید انہوں نے یہ بھی دعوہ کیا کہ بھارت کے ہاتھوں میں کھیلنے والوں کو عام معافی دلوا کر قومی دھارے میں لا رہے ہیں، علیحدگی پسند جلد قومی دھارے میں آنے والے ہیں، ۔ان کا مزید کہنا تھا کہ فوج نے آرمی چیف کی قیادت میں اس ایکشن سے بھارت کی تخریب کاری کا نیٹ ورک بے نقاب کردیا ۔ ہم بار بار کہہ رہے تھے کہ مسنگ پرسنز کا مسئلہ حل ہو رہا ہے، پاکستان اور خاص طور پر بلوچستان میں دشمن قوتیں اندرونی خلفشار میں ناکامی کے بعد بیرونی مداخلت کی کوشش کر رہے تھے۔ اس بارے میں مسلسل قوم کو آگاہ کرتے رہے ہیں، نگراں صوبائی وزیرِ اطلات کا مزید کہنا ہے کہ فوج نے پاکستان کی سلامتی اور خود مختاری کو چیلنج کرنے والے عناصر کو بھرپور جواب دیا۔ا ہم ہر جگہ دشمن قوتوں کا بھر پورمقابلہ کرنے کی صلاحیت رکھتے ہیں۔ ایران نے بھی پاکستان کے جوابی حملے میں تخریب کاروں کے مارے جانے کی تصدیق کی ہے۔