وش ویب: کوئٹہ سمیت صوبہ بلوچستان کے بیشتر اضلاع میں موسم سرد اور خشک جبکہ شمالی اضلاع میں شدید سرد رہے گا۔ محکمہ موسمیات کی رپورٹ کے مطابق کوئٹہ میں درجہ حرارت صفر رکارڈ کیا گیا ہے،جبکہ قلات میں منفی 3 سبی میں 6 نوکنڈی میں 9 جیونی میں 12 گوادر میں 13 اور تربت میں 16 سینٹی گریڈ رکارڈ کیا گیا ہے، محکمہ موسمیات نے کل شام/رات میں گوادر، کیچ، پنجگور، خاران، چاغی، کوئٹہ،چمن، پشین اور زیارت میں تیز ہواؤں کے ساتھ ہلکی سے درمیانی بارش اور پہاڑوں پر برفباری کا امکان۔
جبکہ دوسری جانب محکمہ موسمیات نے بتایا ہے کہ آئندہ چندروز کے دوران پنجاب ، خیبر پختونخوا اور بالائی سندھ کے میدانی علاقے شدید دھندکی لپیٹ میں رہیں گے ۔اور شہریوں کو محتاط رہنے کی ہدایت بھی دی ہے ۔ شدید دھند کے باعث پنجاب کے بیشتر علاقوں میں دن کے درجہ حرارت معمول سے کم رہیں گے۔