World's First Balochi Tv News Channel
  • jQuery News Ticker now has support for right-to-left languages!
  • jQuery News Ticker now has support for loading content via an RSS feed!
  • jQuery News Ticker now has an optional fade effect between items!
  • New updates have been made to jQuery News Ticker! Check below for more details!
  • jQuery News Ticker is now compatible with jQuery 1.3.2! See below for further details and for latest download.
  • Further updates to jQuery News Ticker are coming soon!

مزن وزیر شاہد خاقان عباسی ءَ بنجاہی کابینہ ءِ دیوان باندا طلب کتگ ِ

پیر,07 اگست 2017

مزن وزیر شاہد خاقان عباسی ءَ بنجاہی کابینہ ءِ دیوان باندا طلب کتگ ۔ مزن وزیر شاہد خاقان عباسی ءَ مزن وزیری ءِ سوگند ءِ چست کنئگ ءَ پد وفاقی کابینہ ءِ اے دومی دیوان انت کہ آئی ءَ طلب کتگ مزن وزیر وزیرانی وزارت ءِ کار ءُ کرداں شر کنئگ ءُ چارگ ءِ واستہ اے دیوان طلب کتگ دیوان ءَ وزیراں گشگ بیت کہ آوتی کار ءُ کرداں گہتر بہ کن انت اے دیوان باندا شپ ءِ 8 بج ءِ برجم دارگ بیت ۔

تحریک انصاف ءَ اسپیکر قومی اسمبلی ءِ نیمگ ءَ جوڑ کتگیں 20 باسکی اخلاقیات کمیٹی رد کتگ ِ

پیر,07 اگست 2017

تحریک انصاف ءَ اسپیکر قومی اسمبلی ءِ نیمگ ءَ جوڑ کتگیں 20 باسکی اخلاقیات کمیٹی رد کتگ ۔ تحریک انصاف ءِ راہشون شفقت محمود ءَ گشتگ عائشہ گلالئی ءِ جتگیں بہتامانی بابت ءَ اگاں غیر جانبداریں پٹ ءُ پول کمیٹی ے جوڑ کنئگ بوت تحریک انصاف الم ھما غیر جانبدار پٹ ءُ پولی کمیٹی ءِ دیما پیش بیت ۔ لاہور ءَ احوالکاراں گوں تران کنان ءَ آئی ءَ گشتگ نواز شریف ءِ وش آتک ءَ سرکاری مشینری کامرز بوھگ ءَ انت

شہباز شریف ءَ گشتگ پیسریگیں مزن وزیر نواز شریف ءَ لس مہلوک ءِ ووٹ ءِ طاقت ءَ مزن وزیر جوڑ بوتگ ِ

پیر,07 اگست 2017

پنجاب ءِ سروزیر شہباز شریف ءَ گشتگ پیسریگیں مزن وزیر نواز شریف ءَ لس مہلوک ءِ ووٹ ءِ طاقت ءَ مزن وزیر جوڑ بوتگ ، ہلاپ گل ہرچی بہ کن انت مہلوک ءِ دل ءَ نواز شریف ءِ مہر کم کنئگ نہ بیت ۔ نواز شریف ءِ کارانی ایراد گروک وتی صوبہ ءِ دیمروی ءِ کاراں بچار انت وتی شنگ کتگیں بیان ءَ آئی ءَ گشتگ پنجاب دیمروی ءِ سیمسراں سر بوتگ

عوامی مسلم لیگ ءِ سروک شیخ رشید ءَ گشتگ پیسریگیں مزن وزیر نواز شریف وتی پاد ءَ وت تپر جنئگ ءَ ا نت ِ

پیر,07 اگست 2017

عوامی مسلم لیگ ءِ سروک شیخ رشید ءَ گشتگ پیسریگیں مزن وزیر نواز شریف وتی پاد ءَ وت تپر جنئگ ءَ ا نت نواز شریف ءُ آئی ءِ کہول جیل ءَ روگ ءَ انت ۔ وتی شنگ کتگیں بیانے ءَ آئی ءَ گشتگ پاناما کیس ءَ نواز شریف ءَ امینچو وکیل کہ پیش کتگ سجیں وکیل منی سنگت بوتگ انت پاکستان ءِ ہلاپ گل تحریک انصاف ءُ شیخ رشید انت ۔

عبدالغفور حیدری ءَ گشتگ کہ پیسریگیں مزن وزیر میاں محمد نواز شریف چہ بالی گراباں سڑکاں آہگ ءَ گیشتر زوراک بیت ِ

پیر,07 اگست 2017

ڈپٹی چیئرمین سینیٹ ءُ جمعیت علماء اسلام ءِ بنجاھی سیکریٹری جنرل مولانا عبدالغفور حیدری ءَ گشتگ کہ پیسریگیں مزن وزیر میاں محمد نواز شریف چہ بالی گراباں سڑکاں آہگ ءَ گیشتر زوراک بیت ، آئین ءِ آرٹیکل 63 ءُ 62 ءَ پہ شریءَ عمل کنگ بہ بیت ، تاکہ پارلیمنٹ ءَ ایمانداریں ءُ صالح ایں سروک دیما بیا انت ۔ سیاسی جلسہ آں جنینانی بے حرمتی سکیں بدیں کارے کہ ہر کچ ءَ ایر جنگ بہ بیت ، پداھم کم انت ۔

خیبر پختونخوا سر وزیر پرویز کٹک ءَ گشتگ سرکار ءِ جوڑ کنئگ ءُ پروشگ منی جند ءِ کار انت منی سرکار ءَ کئے پروشت کت کنت ِ

پیر,07 اگست 2017

خیبر پختونخوا سر وزیر پرویز کٹک ءَ گشتگ سرکار ءِ جوڑ کنئگ ءُ پروشگ منی جند ءِ کار انت منی سرکار ءَ کئے پروشت کت کنت ۔ رسانکدر ءَ گوں تران کنان ءَ آئی ءَ گشتگ تحریک انصاف ءِ خیبر پختونخوا ءِ سرکار ءَ ھچ حطر ہ نیست مئے اسمبلی ءِ باسک سک باز انت ءُ اپوزیشن اے بابت ءَ سوبمند نہ بیت ۔ دیم ءِ گچین کاریاں خیبر پختونخوا ءَ ابید سرجمیں پاکستان ءَ تحریک انصاف ءِ حکومت جوڑ بیت ۔

آل پاکستان مسلم لیگ ءِ سروک جنرل پرویز مشرف ءَ گشتگ آئی ءِ دیما ایم کیو ایم ءِ دراہیں گل برابر انت ِ

پیر,07 اگست 2017

آل پاکستان مسلم لیگ ءِ سروک جنرل پرویز مشرف ءَ گشتگ آئی ءِ دیما ایم کیو ایم ءِ دراہیں گل برابر انت کراچی ءَ چہ بنگیج بوتگیں جہد ملک ءِ سیمی مزنیں گلے ءِ دروشم ءَ دیما کیت ۔ ملیر ءَ مچی ءَ ٹیلفون ءِ سرا تران کنان ءَ آئی ءَ گشتگ پاکستان ناشرکاری ءُ کرپشن ءَ چہ تباہ بوھگ ءَ انت

کراچی ءِ دمگ مچر کالونی ءَ سی ٹی ڈی ءُ پولیس ءِ ھواریں کارروائی ءَ بندش جتگیں گل ءِ 3 ناشرکار کشگ بوتگ ِ

پیر,07 اگست 2017

کراچی ءِ دمگ مچر کالونی ءَ سی ٹی ڈی ءُ پولیس ءِ ھواریں کارروائی ءَ بندش جتگیں گل ءِ 3 ناشرکار کشگ بوتگ ۔ ایس ایس پی سی ٹی ڈی عمر شاہد ءِ ردا مقابلہ ءَ 4 ناشرکار دزگیر کنئنگ بوتگ ۔ دزگیر کتگیں ناشرکاراں چہ آئی ای ڈیزءُ تراک ناکیں مواد ھم دزکپتگ ۔

ہاولنگر ءِ دمگ 30 گجیانی ءَ گیس سلینڈر ءِ ترکگ ءَ چہ 2 زہگانی ھمراہی ءَ 3 مردم ستکگ ِ

پیر,07 اگست 2017

بہاولنگر ءِ دمگ 30 گجیانی ءَ گیس سلینڈر ءِ ترکگ ءَ چہ 2 زہگانی ھمراہی ءَ 3 مردم ستکگ ۔ حالانی ردا اے تراک آلو چپس جوڑ بوت کنوکیں ریڈی ءِ سلینڈر ءَ چہ بوتگ ۔ وئیل ءَ دو زہگانی ھمراہی ءَ 3 مردم ستکگ ٹپیگ ڈسٹرکٹ ہسپتال چشتیاں برگ بوتگ انت ۔

جیکب آباد ءَ 20 روچ پیسر بیگاری کینال ءَبند ءِ سدگ ءَ چہ کشاری زمین ءُ دمگ ءِ مردم اثر مند بوتگ انت ِ

پیر,07 اگست 2017

جیکب آباد ءَ 20 روچ پیسر بیگاری کینال ءَبند ءِ سدگ ءَ چہ کشاری زمین ءُ دمگ ءِ مردم اثر مند بوتگ انت ۔ ھمے آپ ءَگورنمنٹ ہائی اسکول ھم پترتگ ۔ آپ ءِ سبب ءَ اسکول ءَ وانگ ءُ زانگ نہ بوھگ ءَا نت ءُ زہگانی وانگ حراب بوھگ ءَ انت ۔

فیصل آباد ءِ دراہیں بازاراں تجاوزات مافیا ءَوتی مافیا گری بند نہ کتگ ِ

پیر,07 اگست 2017

فیصل آباد ءِ دراہیں بازاراں تجاوزات مافیا ءَوتی مافیا گری بند نہ کتگ ۔ مافیا ءِ تجاوزات ءَ چہ بازار ءَ آؤکیں مرد ءُ زالبول جیڑہ ءُ جنجالانی آماچ ا نت ۔ تجاوزات ءِ ہلاسی ءِ ذمہ واری میونسپل کمیٹی ءِ شعبہ انکروچمنٹ ءِ ئیگ انت بلے میونسپل کمیٹی ءِ کارندہ اے بابت ءَ بے توار گندگ ءَ پیداک انت ءُ جیڑہ ءِ گیش ءُ گیواری ءَ ھچ وڑیں گامگیج چست نہ کنئگ ءَ انت

فیصل آباد ءَ اگست ءِ ماہ ءِ بندات بوھگ ءَ جشن ءِ آزادی ءِ تیاری بنگیج بوتگ انت ِ

پیر,07 اگست 2017

فیصل آباد ءَ اگست ءِ ماہ ءِ بندات بوھگ ءَ جشن ءِ آزادی ءِ تیاری بنگیج بوتگ انت ءُ ہر نیمگ ءَ سبز یں بیرک ءُ اسپیت رنگیں گدانی ھم تیار بوھگ بندات بوتگ۔زہگ ، پیرین ءُ زالبول جشن ءِ آزادی ءِ تیاری ءَ دزگٹ بنت ءُ شہر ءِ دراہیں دمگ ءُ بازار اں جشن ءِ آزادی ءِ وشی ءُ تیاری وتی گڈی سیمسراں سر بوتگ انت ۔

اوتھل ءَ جشن آزادی ءِ تیاری ءِ درگت ءَ چست ءُ ایر بناہ بوتگ ، شہر ءِجتائیں دمگاں اسٹال جنئگ بوتگ انت ِ

پیر,07 اگست 2017

اوتھل ءَ جشن آزادی ءِ تیاری ءِ درگت ءَ چست ءُ ایر بناہ بوتگ ، شہر ءِجتائیں دمگاں اسٹال جنئگ بوتگ انت ، اسٹالانی سرا پاکستان ءِ بیرک ءُ چکانی لیبوک مزنیں کچے ایر انت ، پاکستان ءِ 70 می آجوئی ءِ روچ ءِ درگت ءَ ضلعی ہیڈ کوارٹر ءَ پاکستان کوسٹ گارڈ ءُ چاگردی ءُ سیاسی گلانی نیمگا چست ءُ ایرکنگ بوہگا انت ۔

کراچی ءَ اگست ماہ ءِ بندات بوہگا گوں 14 اگست ءِ تیاری بندات بوتگ انت ، ہمک دمگ ءَ اسٹال جنئگ بوتگ ِ

پیر,07 اگست 2017

کراچی ءَ اگست ماہ ءِ بندات بوہگا گوں 14 اگست ءِ تیاری بندات بوتگ انت ، ہمک دمگ ءَ اسٹال جنئگ بوتگ ، ، پاکستان ءِ بیرک ءَ ابید شرٹ ، بیج ءُ دگہ چیز اسٹالانی سر ایر انت ، مہلوک مزنیں کساسے ءَ اسٹالانی سرا زرت ءُ زور ءَ دز گٹ انت ، اے درگت ءَ مہلوک ءَ گوں وش نیوز ءَ تران کنان ءَ گشتگ کہ 14 اگست پاکستان ءِ آزادی ءِ روچ انت

چاغی بلوچستان ءِ ہما دمگانی تہا شمار بیت کہ اودا مزنیں کساسے ءَ کشت ءُ کشاری بیت ِ

پیر,07 اگست 2017

چاغی بلوچستان ءِ ہما دمگانی تہا شمار بیت کہ اودا مزنیں کساسے ءَ کشت ءُ کشاری بیت ءُ گیشتریں مردمانی کار ءُ روز گار گوں کشت ءُ کشار ءَ بندوک انت ، اے وھد ءَ چاغی ءَ 6 ہزار ءِ نزیک ءَ ٹیوب ویل جنئگ بوتگ انت بلے چرے ٹیوب ویلاں کشت ءُ کشاری زمیناں جوانیں وڑے ءَ آپ رسگ ءَ نہ انت ، چریشی ءِ سبب ءَ زمیندار جنجالاں گوں دچار انت

لاہور ءِ ٹریفک وارڈن گلاب سنگھ ءَ وتی ڈی ایس پی ءِ کرپشن ءِ پردگ چاک کتگ ِ

پیر,07 اگست 2017

لاہور ءِ ٹریفک وارڈن گلاب سنگھ ءَ وتی ڈی ایس پی ءِ کرپشن ءِ پردگ چاک کتگ ، ءُ سی سی پی او ءَ ڈی ایس پی ٹھوکر سرکل اکرام ءِ حلاف ءَ درخواست ھم داتگ ۔ لاہور ءَ ٹریفک پولیس ءِ اے ایس آئی گلاب سنگھ چہ وتی سرکل ءِ ڈی ایس پی ءِ کرپشن ءَ بیزار بوتگ ءُ آئی ءَ اوپار کش ات نہ کتگ ، پمشکا آئیءَ وتی محکمہ ءَ پہ کاروائی کنگ ءَ درخواست جم داتگ ۔

افغانستان ءَ ناشرکارانی ارش ءَ 40 مردم بیران بوتگ ءُ بازیں مردم ناشرکاراں آوار جتگ انت ءُ گووت برتگ انت ِ

پیر,07 اگست 2017

افغانستان ءَ ناشرکارانی ارش ءَ 40 مردم بیران بوتگ ءُ بازیں مردم ناشرکاراں آوار جتگ انت ءُ گووت برتگ انت ۔ اے ارش یک میتگے ءَ کنئگ بوتگ ۔ دری رسانکدر ءِ ردا ناشرکاراں افغانستان ءِ صوبہ سرپل ءِ دمگ مرزا اولانگ میتگ ءَ ارش کتگ ءُ 40 مردم کشتگ ۔ گورنر سرپُل محمد رضا ءِ ردا اے بیران بوتگیں مردماں سر کلم کنئگ بوتگ انت ءُ باز تیر گواری ءَ کشگ بوتگ ۔ دری رسانکد رءِ ردا تنی وھدی زانگ نہ بیت