World's First Balochi Tv News Channel
  • jQuery News Ticker now has support for right-to-left languages!
  • jQuery News Ticker now has support for loading content via an RSS feed!
  • jQuery News Ticker now has an optional fade effect between items!
  • New updates have been made to jQuery News Ticker! Check below for more details!
  • jQuery News Ticker is now compatible with jQuery 1.3.2! See below for further details and for latest download.
  • Further updates to jQuery News Ticker are coming soon!

ربالکار ءَ گشتگ ہندوستان کشمیر ءَمیان استمانی انسانی حقانی ہلاپ ورزی کنگ ءَ انت ِ

منگل,29 اگست 2017

دری کارانی گارگس ءِ ربالکار ءَ گشتگ ہندوستان کشمیر ءَمیان استمانی انسانی حقانی ہلاپ ورزی کنگ ءَ انت ۔ 2017 ءَ ہندوستان ءِ فوج ءِ تیرگواری ءَ چہ 28 مردم شہید ءُ 113 ٹپی بوتگ۔ آئی ءَ گشتگ ہمے سال ءَ ہندوستان ءِ نیمگ ءَ 6 سد ءَ گیش کنٹرول لائن ءِ سیز فائر حلاپ ورزی کنگ بوتگ۔

درکاری کارانی وزیر خواجہ آصف ءَ گشتگ پاکستان سندھ طاس معاہدہ ءِ پابند انت ِ

منگل,29 اگست 2017

درکاری کارانی وزیر خواجہ آصف ءَ گشتگ پاکستان سندھ طاس معاہدہ ءِ پابند انت ، بلے ہندوستان ایشی ءِ بنکی رہبنداں ڈالچار کنگ ءَ انت ۔ سندھ طاس معاہدہ ءِ بابتا سیمینار ءَ دری کارانی وزیر خواجہ آصف ءَ گشتگ کہ ہندوستان سندھ طاس معاہدہ ءَ ہچ وڑیں ہمکاری نہ کنگ ءَ انت ، ہندوستان باید اے بابتا ہمکاری بہ کنت ، دانکہ اے معاہدہ پہ الکاپی ءَ عمل کنگ بہ بیت ۔

مزن وزیر شاہد خاقان عباسی ءِ سروکی ءَ اقتصادی رابطہ کمیٹی ءِ دیوان بوتگ ِ

منگل,29 اگست 2017

مزن وزیر شاہد خاقان عباسی ءِ سروکی ءَ اقتصادی رابطہ کمیٹی ءِ دیوان بوتگ ۔ رسانکدارانی رد ءَ دیوان ءَ گلگت بلتستان ءَ گندیم ءِ سبسڈی ءِ منظوری دیئگ ءَ ابید دیوان ءَ انگیں گیس فیڈر ءَ چہ گیس ءِ در کنگ ءُٗ بھر ءُ بانگ ءِ فارمولا ءِ سرا چار ءُ بچار کنگ بوتگ۔ دیوان ءَ گشگ بوتگ

امریکی صدر ڈونلڈ ٹرمپ ءُ امریکی جنرلانی بیہار دیئگ ءَپد قومی اسمبلی ءِ دیوان مرچی اسلام آباد ءَ بیت ِ

منگل,29 اگست 2017

امریکی صدر ڈونلڈ ٹرمپ ءُ امریکی جنرلانی بیہار دیئگ ءَپد قومی اسمبلی ءِ دیوان مرچی اسلام آباد ءَ بیت ، دیوان ءَ قومی اسمبلی ءِ باسک امریکا ءِ صدر ءِ تران ءِ بابت ۓءَ گپ ءُ تران کناں۔ امیت ہمے کنگ بوہگ ءَ انت امریکا ءِ بیہار دیئگ ءَ پد ملک ءِ جتا جتائیں سیاسی رہشون ھواریں گامگیجانی سرا تپاک کناں ، قومی اسمبلی ءِ دیوان ءَ ساری مسلم لیگ ن ءُ آئی ءِ اتحادی گل ءُ اپوزیشن ءِ پارلیمانی گلانی جتا جتائیں دیوان بنت ۔

مروچی سئے شمبے ءَ یک ارزشت مندیں دیوانے ءَ آپریش ردالفساد ءِ بابت ءَ بریفنگ دئیگ بیت ِ

منگل,29 اگست 2017

قومی اسمبلی ءِ قائمہ کمیٹی پہ دیمپانی ءَ مروچی سئے شمبے ءَ یک ارزشت مندیں دیوانے ءَ آپریش ردالفساد ءِ بابت ءَ بریفنگ دئیگ بیت۔ ڈی جی ملٹری آپریشنز ءِ دیوان ءَ بہر زورگ ءِ گمان انت ءُ دیوان پارلیمنٹ ہاؤس ءَ برجم دارگ بیت۔ دیمپانی ءِ سیکرٹری ءُ متعلقہ مزنیں عسکری واکدار آپریشن ردالفساد ءِ درستیں تک ءُ پھناتانی بابت ءَ کمیٹی ءَ وتی گپاں دیما کاراَنت۔

آپ ءِ جیڑھ ءِ سرا پاکستان ءُ ہندوستان ءِ گپ ءُ تران ہمے سال ءِ 14 ءُ 15 ستمبر ءَ واشنگٹن ءَ بیت ِ

منگل,29 اگست 2017

آپ ءِ جیڑھ ءِ سرا پاکستان ءُ ہندوستان ءِ گپ ءُ تران ہمے سال ءِ 14 ءُ 15 ستمبر ءَ واشنگٹن ءَ بیت۔ عالمی بینک ءِ چیر دستی ءَ بووکیں اے گپ ءُ تران ءَ ہندوستان ءِ اڑوکی لین ءِ جیڑہانی سرا گپ ءُ تران کنگ بیت ، ہندوستان پاکستان ءِ بھر ءِ آپ ءَ قبضہ کنگ لوٹیت ، آ اے آپ ءَ ہم دارگ لوٹیت

ریفرنس نیارگ ءِ سبب ءَ من پہ ترانگ ءَ پِرّینگ ءَ سپریم کورٹ ءَ کیس نبشتہ کتگ ِ

منگل,29 اگست 2017

شریف خاندان ءِ حلاف ءَ بُندرا کیس حدیبیہ پیپرملز انت ، نیب ءِ ریفرنس نیارگ ءِ سبب ءَ من پہ ترانگ ءَ پِرّینگ ءَ سپریم کورٹ ءَ کیس نبشتہ کتگ ۔ عوامی مسلم لیگ ءِ سروک شیخ رشید احمد ءَ گشتگ کہ نیب ءَ 7 روچانی تہا ریفرنس آرگ ءِ قول کتگ ، بلے 7 روچ نہ باید 7 ہپتگ بہ بوتین اتاں ، اگاں سپریم کورٹ ءَ داتگیں بیان ءَ بستار نیست ، گڑا ہچ مشکلے نہ انت ۔

حالرسانی ءِ بنجاہی مملکت ءِ وزیر مرئم اورنگزیب ءَ گشتگ 70 سال ملک ءَ بوھگ ءَ انت ِ

منگل,29 اگست 2017

حالرسانی ءِ بنجاہی مملکت ءِ وزیر مرئم اورنگزیب ءَ گشتگ 70 سال ملک ءَ بوھگ ءَ انت ھچ مزن وزیر ءَ وتی آئین ءُ قانون ءِ مدت سرجم نہ کتگ۔ چیا وھد ءُ نا وھد ءِ سرا اسمبلی پروشگ بن۔ پارلیمنٹ ملک ءِ درستاں چہ واک ءُ اختیارداریں ادارہ انت۔ وتی شنگ کتگیں بیان ءَ آئی ءَ گشتگ درستیں گل پارلیمنٹ ءَ مضبوط کنگ ءَ گامگیج بہ زورنت ءُ دراہیں ادارہ عزت ءُ شرپ دیگی انت۔

پاک سرزمین پارٹی ءَ انوگیں مردم شماری ءِ عداد ءُ شمار نہ منگ ءِ جار جتگ ِ

منگل,29 اگست 2017

پاک سرزمین پارٹی ءَ انوگیں مردم شماری ءِ عداد ءُ شمار نہ منگ ءِ جار جتگ ۔ پاک سرزمین پارٹی ءِ رہشون انیس ایڈوکیٹ ءَ احوالکاراں تران کنان ءَ گشتگ مارا مردم شماری ءِ آسرقبول نہ انت۔ 18 سال ءَ پیسر کراچی 98 لکھ مردمانی شہر گشگ بوتگ ، کراچی ءَ لکھانی حساب ءَ پشتون ، بلوچ ءُ اے دگہ قومانی مردم نشتگ ءُ آباد انت ۔