World's First Balochi Tv News Channel
  • jQuery News Ticker now has support for right-to-left languages!
  • jQuery News Ticker now has support for loading content via an RSS feed!
  • jQuery News Ticker now has an optional fade effect between items!
  • New updates have been made to jQuery News Ticker! Check below for more details!
  • jQuery News Ticker is now compatible with jQuery 1.3.2! See below for further details and for latest download.
  • Further updates to jQuery News Ticker are coming soon!

پیسریگیں مزن وزیر نواز شریف ءِ سروکی ءَ مسلم لیگ ن ءِ کاروان منزل ءِ نیمگ ءَ میزاں میزان ءَ جنزان انت ِ

بدھ,09 اگست 2017

پیسریگیں مزن وزیر نواز شریف ءِ سروکی ءَ مسلم لیگ ن ءِ کاروان منزل ءِ نیمگ ءَ میزاں میزان ءَ جنزان انت ۔ نواز شریف سپریم کورٹ ءِ نااہلی ءَ پد پنجاب ہاؤس اسلام آباد ءَروانک ءِ دروشم ءَ لاہور ءِ واستہ درکپتگ ۔ مزن وزیر شاہد خاقان عباسی ءَ نوازشریف پنجاب ہاوس ءَ رخصت کتگ ن لیگی راہشون ءُ باسکانی مزنیں کساسے روانک ءَ ھمراہ انت جاہ جاہ ءَ وش آتکی کیمپ جنئگ بوتگ ءُ مزنیں دگ ءُ بازاراں نواز شریف ءِ مزنیں مزنیں عکس ءُ پوسٹر جنئگ بوتگ ۔د مگی راہشوناں پارٹی ءِ سوت ءُ ساؤنڈ سسٹم ھم گون انت ۔

پیسریگیں مزن وزیر نواز شریف ءَ گشتگ گوستگیں چار سال ءَ ملک ہر شعبہ ءَ دیما روگ ءَ بوتگ گوستگیں سال ءَ دیمروی ءِ ٹک 5، اشاریہ 3 تک بوتگ ِ

بدھ,09 اگست 2017

پیسریگیں مزن وزیر نواز شریف ءَ گشتگ گوستگیں چار سال ءَ ملک ہر شعبہ ءَ دیما روگ ءَ بوتگ گوستگیں سال ءَ دیمروی ءِ ٹک 5، اشاریہ 3 تک بوتگ ۔ پنجاب ہاؤس اسلام آباد ءَ چہ روگ ءَ ساری احوالکاراں گوں تران کنان ءَ آئی ءَ گشتگ اے سال ءَ دیمروی ءِ ٹک 7 فیصد ءِ گمان انت ملک ءِ تہا مزنیں کساسے ءَ سرمایہ کاری ھم دیما روگ ءَ انت ۔ آئی ءَ گشتگ معیشت گشادی ءَ گوں دیمروی کنئگ ءَ انت

صدر مملکت ممنون حسین ءَ گشتگ ڈیرہ اسمائیل ءَ بگر داں ژوب ءَ موٹر وے اکنامک کوری ڈور ءِ بہرے جوڑ بیت ِ

بدھ,09 اگست 2017

صدر مملکت ممنون حسین ءَ گشتگ ڈیرہ اسمائیل ءَ بگر داں ژوب ءَ موٹر وے اکنامک کوری ڈور ءِ بہرے جوڑ بیت ۔ بلوچستان ءِ تر ءُ تاب ءِ وھد ءَ جتاجتائیں ڈلاں گوں گپ ءُ تران کنان ءَ آئی ءَ گشتگ بلوچستان ءِ جتاجتائیں دمگاں ھمگرنچی ءِ واستہ100 کلو میٹر دگ جوڑ کنئگ بوتگ ۔ کوئٹہ ءَ آپ ءِ پجارینگ ءِ بنجائی سرکار ءَ یک ارب کلدار داتگ آئی ءَ گشتگ بلوچستان ءِ 50 زہگاں چینی زبان ءِ ھیل دیئگ ءَ اسکالر شپ دیئگ بوتگ ۔

خواجہ آصف ، احسن اقبال ءُ اسحاق ڈار ءِ نااہلی ءِ ہلاپ ءَ درخواست جم کنئگ بوتگ ۔ درخواست ھدائی قدمت گار گل ءِ نیمگ ءَ جم کنئگ بوتگ ِ

بدھ,09 اگست 2017

سپریم کورٹ لاہور رجسٹری ءَ بنجاہی وزیر خواجہ آصف ، احسن اقبال ءُ اسحاق ڈار ءِ نااہلی ءِ ہلاپ ءَ درخواست جم کنئگ بوتگ ۔ درخواست ھدائی قدمت گار گل ءِ نیمگ ءَ جم کنئگ بوتگ ، درخواست ءَ نبشتہ انت سئے ئیں بنجاہی وزیرانی اقامہ زائر بوتگ انت ءُ اے وزیراں وتی اقامہ ءِ زکر گچین کاری کاگد ءِ سرا نبشتہ نہ کتگ ۔ الیکشن کمیشن اقامہانی بابت ءَ زانگ ءَ پد اے بنجاہی وزیرانی ہلاپ ءَ کارروائی نہ کنئگ ءَ انت

تحریک انصاف ءِ راہشون شاہ محمود قریشی ءَ گشتگ مسلم لیگ ن ءِ روانک مسلم لیگ ن ءِ سیاسی ضرورت انت ِ

بدھ,09 اگست 2017

تحریک انصاف ءِ راہشون شاہ محمود قریشی ءَ گشتگ مسلم لیگ ن ءِ روانک مسلم لیگ ن ءِ سیاسی ضرورت انت ۔ن لیگ سیاسی تکا مرتگ آجہد کنئگ ءَ انت بگند ءِ اے روانک ءِ کشگ ءَ ما سیاسی تکا زندگ باں ۔ رسانکدر ءَ گوں تران کنان ءَ آئی ءَ گشتگ مرچیگیں روانک ءَ بینظیربھٹو ءِ روانک ءَ گوں ھمدپ مہ کن ات ۔ نواز شریف بگوشیت آ اے روانک ءَ کئی ہلاپ ءَ کشگ ءَ انت ۔ آئی ءَ گشتگ ن لیگ الم ءَ روانک بہ کشیت بلے بنجاہ ءُ پنجاب ءۓِ سرکاری مڈیانی زراں روانک ءِ حق ءَ کارمرز مہ کنت ۔

تحریک انصاف ءِ راہشون بابر اعوان ءَ گشتگ نواز شریف نااہل بوھگ ءَ پدھم پارلیمانی پارٹی ءِ سروکی ءَکنئگ ءَ انت ِ

بدھ,09 اگست 2017

تحریک انصاف ءِ راہشون بابر اعوان ءَ گشتگ نواز شریف نااہل بوھگ ءَ پدھم پارلیمانی پارٹی ءِ سروکی ءَکنئگ ءَ انت، مہچی نااہلیں مزن وزیر ءِ ہلاپ ءَ ریفرنس جم کتگ ۔ الیکشن کمیشن ءِ ڈن ءَ رسانکد رءَ گوں تران کنان ءَ بابر اعوان ءَ گشتگ یک نااہلیں مردمے چوں وتی نام ءَ پارٹی ے ہلائینت کنت،

تحریک انصاف ءِ راہشون شفقت محمود ءَ گشتگ روانک ءِ دروشم ءَ اسلام آباد ءَ چہ لاہور ءَ سفر کنئگ نواز شریف ئِ حق انت ِ

بدھ,09 اگست 2017

تحریک انصاف ءِ راہشون شفقت محمود ءَ گشتگ روانک ءِ دروشم ءَ اسلام آباد ءَ چہ لاہور ءَ سفر کنئگ نواز شریف ئِ حق انت بلے پیسریگیں مزن وزیر ءِ گامگیج جمہوریت ءِ واستہ باز ترس ناک انت ۔ رسانکد رءَ گوں تران کنان ءَ آئی ءَ گشتگ ہر سیاسی گل ءَ روانک کشگ ءِ اجازت انت بلے جی ٹی روڈءَ اے روانک ءَ پنجاب سرکار ءِ ملازم ءُ ریاستی مڈی کارمرز بوھگ ءَ انت ۔

مسلم لیگ ن ءِ راہشون سینیٹرآصف کرمانی ءَ گشتگ بے بن ءُ دروگیں گپ ھما مردم شنگ کنئگ ءَ انت ِ

بدھ,09 اگست 2017

مسلم لیگ ن ءِ راہشون سینیٹرآصف کرمانی ءَ گشتگ بے بن ءُ دروگیں گپ ھما مردم شنگ کنئگ ءَ انت کہ آنواز شریف ءِ روانک ءَ چہ ترس ءُ بیم دارنت ءُ آہانی سیاسی ارزشت گار بیت ، ءُ ہرکس زانت نواز شریف ءِ روانک ءَ مزنیں کساسے ءَ مردم وش آتک کن انت ۔ اسلام آباد ءَ رسانکد رءَ گون تران کنان ءَ آئی ءَ گشتگ مئے گڈی منزل داتا نگری لاہور انت انوں ما ھچ نہ گوشاں نواز شریف روانک ءَ کجا کجا تران ک۔

تحریک انصاف ءِ رہشون فوادچوھدری ءَ گشتگ کہ تحریک انصاف ءِ کارکن مروچی ایمن ءُ روانک ءِ روٹ ءَ دیر ءُ گستا بنت ِ

بدھ,09 اگست 2017

تحریک انصاف ءِ رہشون فوادچوھدری ءَ گشتگ کہ تحریک انصاف ءِ کارکن مروچی ایمن ءُ روانک ءِ روٹ ءَ دیر ءُ گستا بنت ۔ ملک ءَ بحران پیداک کنگ ءِ سازش ءَ کامیاب بیگ ءَ نئیلیں ۔ تحریک انصاف ءِ جہگیر فواد چوہدری ءَ گشتگ کہ نواز شریف ءِ روانک ءِ بابتا عمران خان ءَ کارکن رہشونی کتگ انت کہ اے روٹ ءَ پہک دیر بہ بئیت ءُ ہوشیار ۔ آئی ءَ گشتگ کہ نواز شریف ءِ روانک ءِ رنگ ءَ لاہورءَ روگ وتی تُستگیں سیاست ءَ ارواہ مان کنگ ءِ ناکامیں کوشست انت ۔ قوم کرپشن ءِ جنازہ ءَ نواز شریف ءِ کوپگاں گند ایت ۔

نواز لیگ ءِ راہشوناں تژن ءُ شگان جتگ کہ شما کنٹینر ءِ سیاست کن ات بلے مرچی آ وت کنٹینراں سیاست ءِ واستہ کارمرز کنئگ ءَ انت ِ

بدھ,09 اگست 2017

پاکستان تحریک انصاف ءِ راہشون اسد عمر ءَ گشتگ ما را مدام نواز لیگ ءِ راہشوناں تژن ءُ شگان جتگ کہ شما کنٹینر ءِ سیاست کن ات بلے مرچی آ وت کنٹینراں سیاست ءِ واستہ کارمرز کنئگ ءَ انت ۔پنجاب ءِ سرکار مہلوک ءِ زراں نواز شریف ءِ روانک ءِ سرا ہرچ ءُ درچ کنئگ ءَ انت ۔ ادا چون مردمانی خدمت کنئگ بیت ۔ ٹیوٹر وتی کلوہ ءِ تہا آئی ءَ گشتگ سیاست کنئگ ہرکسی حق انت بلے ریاست ءِ زراں کارمرز کنئگ اے حق کس ءَ دیئگ نہ بیت

پیپلز پارٹی ءِ راہشون ڈاکٹر عاصم ءَ گشتگ رینجرز ءِ بابت ءَ منی بیان رد پیش کنئگ بوتگ ِ

بدھ,09 اگست 2017

پیپلز پارٹی ءِ راہشون ڈاکٹر عاصم ءَ گشتگ رینجرز ءِ بابت ءَ منی بیان رد پیش کنئگ بوتگ ۔ کراچی ءَ رینجرز ءَ ناشرکاری ءِ ہلاپ ءَ شر کارکتگ ءُ مارا سجیناں رینجرز ءِ اے کار ساڑاھگ لوٹیت ۔ کراچی ءَ رسانکدر ءَ گوں تران کنان ءَ آئی ءَ گشتگ اگاں رینجرز مہ بوتیں کراچی ءِ جاور نگیگ بوتگ ات انت

سلطان خیل درہ ءِ دمگ شیراتکل ءَ وت کشیں تراکاں 5 سیکورٹی اہلکار شہید ءُ 6 ٹپیگ بوتگ ، فورسانی جوابی کاروائی ءَ یک ناشرکارے کشگ ءُ دومی گرگ بوتگ ِ

m
بدھ,09 اگست 2017

سلطان خیل درہ ءِ دمگ شیراتکل ءَ وت کشیں تراکاں 5 سیکورٹی اہلکار شہید ءُ 6 ٹپیگ بوتگ ، فورسانی جوابی کاروائی ءَ یک ناشرکارے کشگ ءُ دومی گرگ بوتگ ۔ حالانی ردا دیرءِ دمگ سلطان خیل درہ ءَ ناشرکاراں سیکورٹی فورسانی سرا وت کشیں حملہ کتگ ، ایشی ءِ سبب ءَ 5 اہلکار شہید ءُ 6 ٹپیگ بوتگ ۔