World's First Balochi Tv News Channel
  • jQuery News Ticker now has support for right-to-left languages!
  • jQuery News Ticker now has support for loading content via an RSS feed!
  • jQuery News Ticker now has an optional fade effect between items!
  • New updates have been made to jQuery News Ticker! Check below for more details!
  • jQuery News Ticker is now compatible with jQuery 1.3.2! See below for further details and for latest download.
  • Further updates to jQuery News Ticker are coming soon!

سعودی عرب ءَ ھوار خلیجی ملکاں مرچی عید ءِ اولی روچ شریں وڑے ءَ دارگ بوھگ ءَ انت ِ

جمعہ,01 ستمبر 2017

سعودی عرب ءَ ھوار خلیجی ملکاں مرچی عید ءِ اولی روچ شریں وڑے ءَ دارگ بوھگ ءَ انت ۔ لکھانی حساب ءَ حاجی مزنیں شیطان ءَ سنگ جنئگ ءِ چن ءُ لانچ ءَ انت ءُ پدا قربانی کن انت ءُوتی احرام ءَ پچ کن انت ۔ حالانی ردا سعودی عرب ءَمسجد الحرام ءُ مسجد نبوی ءَ عید ءِ مزنیں مراگش بوتگ انت ءُ مزدلفہ ءَ جاہمنندیں حاجی لکھانی حساب ءَ منیٰ نیمگ ءَ رہادگ بوتگ انت

ناشرکارانی محفوظیں پناہ جاہانی بابتا امریکی الزام راست نہ انت ِ

جمعہ,01 ستمبر 2017

ناشرکارانی محفوظیں پناہ جاہانی بابتا امریکی الزام راست نہ انت ۔ پاکستان ءِ دری کارانی وزارت ءِ بنشون ءَ گشتگ کہ افغانستان ءَ امریکی جنرل جان نکلسن ءِ اے بیان کہ پاکستان ءَ پہ ناشرکاراں محفوظیں پناہ جاہ است رد انت ، ءُ ہچ رنگ ءَ منّگ نہ بیت ۔ واہگ اش انت کہ ہندوستان وتی ہمساہگانی جہیڑہ آں گوں وش دلی گیش ءُ گیوار بہ کنت ۔

خادم الحرمین ءُالشریفین شاہ عبداللہ ءَ منی ءِ تر ءُ تاب کتگ ءُ آئی ءَ سعودی عرب ءَ حاجینانی داتگیں آسریاتی ءُ ھزمت چار اتگ انت ِ

جمعہ,01 ستمبر 2017

خادم الحرمین ءُالشریفین شاہ عبداللہ ءَ منی ءِ تر ءُ تاب کتگ ءُ آئی ءَ سعودی عرب ءَ حاجینانی داتگیں آسریاتی ءُ ھزمت چار اتگ انت ۔ منی ءَ مرچی 10 زالحجہ ءَ 20 لکھ ءَ چہ گیش حاجی نبی اکرم صلئ اللہ علیہ وسلم ءِسنتءِ یک مزنیں بہرے ادا کنت ۔

تیوگیں ملک ءِ وڑ ءَ کراچی ءَ ھم بوہری برادری مزنیں عید ءِ اولی روچ ءَ مرچی دارگ ءَ انت

جمعہ,01 ستمبر 2017

تیوگیں ملک ءِ وڑ ءَ کراچی ءَ ھم بوہری برادری مزنیں عید ءِ اولی روچ ءَ مرچی دارگ ءَ انت ۔ کراچی ءَ بوہری برادری ءِ درستاں چہ مستریں مراگش صدر طاہری مسیتءَ بوتگ ۔

نیب لاہور ءُ راوالپنڈی ءَ شریف کہول ءُ اسحاق ڈار ءِ ہلاف ءَ 5 ریفرنسز نیب ہیڈ کوارٹر ء َ راہ داتگ ِ

جمعہ,01 ستمبر 2017

نیب لاہور ءُ راوالپنڈی ءَ شریف کہول ءُ اسحاق ڈار ءِ ہلاف ءَ 5 ریفرنسز نیب ہیڈ کوارٹر ء َ راہ داتگ -نیب لاہور ءَ شریف کہول ءِ اثاثہ ھانی منجمند کنگ ءُ بینک اکاؤنٹانی فریز کنگ ءِ سفارش کتگ ءُ اسحاق ڈار اثاثہ منجمند کنگ ءُ آئی نام ای سی ایل ءَ مان کنگ ءِ سفارش ہم کنگ بوتگ - بنشون ءِ ردا پنچ شمبے ءِ روچ ءَ نیب لاہور ءِ ریجنل بورڈ ءَ چیریں دیوان ءِ بوتگ -

دو بنجاہی وزیر ءُ چار وزیر مملکت ءِ محکمہانی جار جنئگ بوتگ ِ

جمعہ,01 ستمبر 2017

دو بنجاہی وزیر ءُ چار وزیر مملکت ءِ محکمہانی جار جنئگ بوتگ ۔ کابینہ ڈویژن ءِ یک نوٹیفیکیشن ءِ ردا مزن وزیر ءَ دانیال عزیز ءَ را بنجاہی وزیر نجکاری ءُ ممتاز احمد تارڈ ءَ انسانی حقانی وزارت ءِ قلمدان داتگ ۔

سیکورٹی فورسزءِ سرچ آپریشن ءِ وھد ءَ ناشرکارانی سہولت کاراں ھوار 27 شکی ئیں ملزم دزگیر کتگ ِ

جمعہ,01 ستمبر 2017

خیبر ایجنسی ءِ کش ءُ گوری دمگاں سیکورٹی فورسزءِ سرچ آپریشن ءِ وھد ءَ ناشرکارانی سہولت کاراں ھوار 27 شکی ئیں ملزم دزگیر کتگ ۔ حالانی ردا سیکورٹی فورسز ءِ نیمگ ءَ خیبر ایجنسی ءِ میتگ شاہگئی ءُ علی محمد بانڈہ ءَ سرچ آپریشن کنئگ بوتگ ۔ آپریشن ءِ وھد ءَ ناشرکارانی سہولت کار کہ آہانی سیادی گوں بندش جتگیں گلان انت دزگیر کنئگ بوتگ انت ،

مہمند ایجنسی ءَ دگ ءِ کش ءَ چیر گیتکگیں بارودی سرنگ ءِ تراک ءَ قبائلی راہشون ءَ ھوار سئے مردم بیران بوتگ ِ

جمعہ,01 ستمبر 2017

مہمند ایجنسی ءَ دگ ءِ کش ءَ چیر گیتکگیں بارودی سرنگ ءِ تراک ءَ قبائلی راہشون ءَ ھوار سئے مردم بیران بوتگ ۔ حالانی ردا مہمند ایجنسی ءِ دمگ امبار ءَ قبائلی راہشون ملک میر رحمن وتی چک ءُ سنگتانی ھمراہ گوزگ ءَ بوتگ کہ آئی ءِ گاڑی ءَ بارودی سرنگ ءَ گوں ڈیک وارتگ ۔

کراچی ءِدمگ شیر شاہ ءِ یک کلینکے ءَ جرنیٹر ءِ دوتانی سبب ءَ 2 مردم بیران ءُ یکے ءِ جاور نگیگ انت ِ

جمعہ,01 ستمبر 2017

کراچی ءِدمگ شیر شاہ ءِ یک کلینکے ءَ جرنیٹر ءِ دوتانی سبب ءَ 2 مردم بیران ءُ یکے ءِ جاور نگیگ انت ۔ حالانی ردا لوڈ شیڈنگ ءِ سبب ءَ شیر شاہ ءِ یک کلینکے ءَ سئے مردماں جنریٹر چالو کتگ ءُ وپتگ انت کہ ھمے وھد ءَ کلینک دوتاں پر بوتگ

کراچی ءِ دمگ سائٹ ءَ یک چپل ءِ فیکٹری ءَ آ س لگ اتگ ءُ آس توسگ ءِ وھدءَ سئے فائر فائٹر ٹپیگ بوتگ ِ

جمعہ,01 ستمبر 2017

کراچی ءِ دمگ سائٹ ءَ یک چپل ءِ فیکٹری ءَ آ س لگ اتگ ءُ آس توسگ ءِ وھدءَ سئے فائر فائٹر ٹپیگ بوتگ کہ آ اسپتال ءَ سر کنئگ بوتگ انت ۔ حالانی ردا سائٹءَ چپل فیکٹری یے گوستگیں شپ ءَ بن گپتگ حال رسگءِ پدا فائر بریگیڈ پہ وھد وئیل جاہ ءَ سر بوتگ انت ءُ آس ءِ توسگ ءِ جہد کتگ ۔ آس ءِ ترندیں برانز انی سببءَ فیکٹری ءِ دیوال کپتگ انت

حج ءِ وھد ءَ میدان ءۓِ حرفات ءَ تمبو ءَ کرنٹ لگگ ءِ سبب ءَ 2 سیکورٹی کارندہ بیران بوتگ ِ

جمعہ,01 ستمبر 2017

حج ءِ وھد ءَ میدان ءۓِ حرفات ءَ تمبو ءَ کرنٹ لگگ ءِ سبب ءَ 2 سیکورٹی کارندہ بیران بوتگ ۔ دری رسانکد رءِ ردا یک سیکورٹی کارندہےءَ پسیل ءِ کارمرز کنئگ ءِ وھد ءَ کرنٹ لگ اتگ ءُ بیران بوتگ ءُ دومی سیکورٹی کارندہ ھمے کارندہ ءِ رکینگ ءِ ھاتر ءَ کرنٹ ءِ آماچ بوتگ

میانمار ءَ چہ لڈ اتگیں روہنگیانی سئے بوجیگانی چپ بو ھگءِ سبب ءَ 26 مردم بیران بوتگ ِ

جمعہ,01 ستمبر 2017

میانمار ءَ چہ لڈ اتگیں روہنگیانی سئے بوجیگانی چپ بو ھگءِ سبب ءَ 26 مردم بیران بوتگ ۔ دری رسانکدر ءِ ردابیران بوتگیں 26 مردمانی تہا 15 چک ءُ 11 زالبول ھوار انت ۔ بنگلا دیش ءِ سیمسری پولیس ءِ ردا زانگ نہ بیت کہ اے بوجیگانی سرا چنچو مردم سوار بوتگ

ما ناشرکاریں تنظیماں کسترپاد جوڑ کنگ ءِ لیب، لیب کنگ ءَ دیستگ ِ

جمعہ,01 ستمبر 2017

ما ناشرکاریں تنظیماں کسترپاد جوڑ کنگ ءِ لیب، لیب کنگ ءَ دیستگ ۔ صدارتی کمپلکس ءَ یوم ظفر ءِ دیوانءَ تران کنان ءَ ترک صدر رجب طیب اردگان ءَ گشتگ کہ ما ہند ءُ دمگ ءِ دیم بری ءَ دراہیں راہ ءُ رہبنداں چکاسگائیں، یک وہدے ءَ اشاں تہنا وت گوں وتی بے پِن ایں بمباں اوشتوک بنت ۔

روسءَ داں 2 ستمبر ءَ فرانسیسکو ءَ وتی قونصلیٹ ءُ دو نند ءُ نیادی ماڑیاں بند کنگ ءِ حکم دیگ بوتگ ِ

جمعہ,01 ستمبر 2017

روسءَ داں 2 ستمبر ءَ فرانسیسکو ءَ وتی قونصلیٹ ءُ دو نند ءُ نیادی ماڑیاں بند کنگ ءِ حکم دیگ بوتگ ۔ امریکاءِ دری کارانی وزارت ءِ ترجمان ءَ جار جتگ کہ روس ءِ قونصل خانہ ءِ بندکنگ ءِ سبب گوستگیں روچاں روس ءِ چہ وتی ملکءَ امریکی سفارت ءِ 755 باسکانی چہ ملک ءَ کشگ ءِ جواب انت ۔ ترجمان ءِ گشگ انت

روایرشتی بلوچستان ءَ 22 بلوچیں جنین آدم رئیس شورای بزاں ٹاؤن کونسل ءِ چیئرپرسن جوڑ بوتگاں ِ

جمعہ,01 ستمبر 2017

روایرشتی بلوچستان ءَ 22 بلوچیں جنین آدم رئیس شورای بزاں ٹاؤن کونسل ءِ چیئرپرسن جوڑ بوتگاں ۔ روایرشتی بلوچستان ءِ ضلع خاش ءَ پہ ٹاؤن کونسل ءِ گچینکاریاں یک ہزار ءُ 235 کسءَ پہ 191 کونسلاں نام نبشتہ کتگ ، اے نام گپتانی تہا 347 بلوچیں جنین ءُ ایدگہ مردین بوتگاں ۔ اے وڑہ اے ضلع ءَ سرتاسریں ایران ءَ چہ درستاں گیشتریں جنیناں گچینکاریاں بہر زرتگ ، پہ خاص افضل آبادءِ دراہیں کونسل بلوچیں جنین انت ۔