World's First Balochi Tv News Channel
  • jQuery News Ticker now has support for right-to-left languages!
  • jQuery News Ticker now has support for loading content via an RSS feed!
  • jQuery News Ticker now has an optional fade effect between items!
  • New updates have been made to jQuery News Ticker! Check below for more details!
  • jQuery News Ticker is now compatible with jQuery 1.3.2! See below for further details and for latest download.
  • Further updates to jQuery News Ticker are coming soon!

جے آئی ٹی ءِ باسکاں پاناما لیکس ءِ پٹ ءُ پول ءِ واستہ قطر ءَ روگ ءِ فیصلہ کتگ ِ

جمعہ,16 جون 2017

مزن وزیر ءَ چہ جست ءُ پرس ءَ پد جے آئی ٹی ءِ باسکاں پاناما لیکس ءِ پٹ ءُ پول ءِ واستہ قطر ءَ روگ ءِ فیصلہ کتگ ۔ رسانکدر ءِ ردا جے آئی ٹی ءِ سروک واجد ضیاء ءَ مزن وزیر نواز شریف ءَ چہ جست ءُ پرس ءَ پد جے آئی ٹی ءِ باسکاں قطر ءَ دیم دیئگ ءِ فیصلہ کتگ

کوئٹہ ءِ احتساب عدالت ءَ بلوچستان میگاکرپشن کیس گوشدارگ بوتگ

جمعہ,16 جون 2017

کوئٹہ ءِ احتساب عدالت ءَ بلوچستان میگاکرپشن کیس گوشدارگ بوتگ ۔ کیس ءِ بنجاہی ملزم گوستگیں مشیر حزانگ میر خالد لانگو ءُ گوستگیں سیکرٹری حزانگ مشتاق رئیسانی ءُ ٹھیکہ دار سہیل مجید آمید گس ءَ پیش کنئگ نہ بوتگ انت ۔

ہندوستان ءَ پاکستان ءِ کشمیر ءِ جیڑہ ءَ روسی صدر ءِ سُہل ءُ ترانی کرد ءِ دعوا رد کتگ ِ

جمعہ,16 جون 2017

ہندوستان ءَ پاکستان ءِ کشمیر ءِ جیڑہ ءَ روسی صدر ءِ سُہل ءُ ترانی کرد ءِ دعوا رد کتگ ۔ ہندوستانی رسانکدر ءِ ردا ہندوستانی دری کارانی وزارت ءَ گشتگ کہ روس گوں پاکستان ءَ دراہیں جہیڑہ ءُ ناشرکاری ءِ بیگواہی ءِ ہندوستانی واہگ ءَ معلومدار انت ۔

سپریم کورٹ ءِ جے آئی ٹی ءَ عمل درآمد بینچ مرچی نہال ہاشمی کیس ءَ گوشداریت ِ

جمعہ,16 جون 2017

بیہار ءُ ترندیں گشتانک دیئگ ءِ معاملہ ءَ سپریم کورٹ ءِ جے آئی ٹی ءَ عمل درآمد بینچ مرچی نہال ہاشمی کیس ءَ گوشداریت ۔ جسٹس اعجاز افضل ءِ سروکی ءَ 3رکنی حاصیں بینچ کیس ءَ گوشداریت ءُ نہال ہاشمی مرچی آمید گس ءَ وتی پسہ ءَ پیش کنت ۔

رشوت زورگ ءُ بری کنئگ ءِ بہتام ءَ اسلام آباد ہائی کورٹ ءَ سیشن جج مہتل کتگ ِ

جمعہ,16 جون 2017

ایگزیکٹ جعلی ڈگری کیس ءِ ملزم شعیب شیخ ءُ اے دگراں چہ رشوت زورگ ءُ بری کنئگ ءِ بہتام ءَ اسلام آباد ہائی کورٹ ءَ سیشن جج مہتل کتگ۔ 50 لکھ کلدار رشوت ءِ بہتام ءَ جج پرویز القادر میمن ءَ چہ 14 روچ ءَ تفصیل طلب کنئگ بوتگ انت۔

نوشکی ءِ ضمنی گچینکاری ءَ جم داتگیں کاگدانی پٹ ءُ پاس برجاہ انت ِ

جمعہ,16 جون 2017

این اے 260 کوئٹہ ۔ چاغی ۔ نوشکی ءِ ضمنی گچینکاری ءَ جم داتگیں کاگدانی پٹ ءُ پاس برجاہ انت ۔ الیکشن کمیشن ءِ بنشون ءِ ردا این اے 260 ءَ پہ گچینکاری ءَ 36 امیدواراں وتی کاگد جم داتگ انت ۔

پنجاب رینجرز ءَ ڈی جی خان ءَ ناشرکاریءِ مزنیں منصوبہے بے سوب کتگ ِ

جمعہ,16 جون 2017

پنجاب رینجرز ءَ ڈی جی خان ءَ ناشرکاریءِ مزنیں منصوبہے بے سوب کتگ ۔ آئی ایس پی آر ءِ نیمگ ءَ شنگ بوتگیں بیانے ءِ تہا گشگ بوتگ کہ ڈی جی خان ءَ پنجاب رینجرز ءَ آپریشن ردالفساد ءِ درچ ءَ انٹیلی جنس بیسڈ آپریشن کتگ ۔

کراچی ءِ جتا جتائیں دمگاں پولیس ءَ کارروائی کتگ ءُ 80 ءَ چہ گیش شکی ئیں مردم دزگیر کتگ ِ

جمعہ,16 جون 2017

کراچی ءِ جتا جتائیں دمگاں پولیس ءَ کارروائی کتگ ءُ 80 ءَ چہ گیش شکی ئیں مردم دزگیر کتگ ءُ پہ گیشیں جست ءُ پُرس ءِ ہاترا تھانہ ءَ برتگ انت۔ بن شون ءِ ردا رینجرز ءَ صدر، لائنز ایریا ءُ کش ءُ گور ءِ دمگاں سرچ آپریشن کتگ۔

مردان ءَ کوہنیں دشمنی ءِ پدا ہلاپیانی تیرگواری ءِ آسرا 2 زالبول ءَ ہوار 3 مردم بیران ءُ یکے ٹپی بوتگ ِ

جمعہ,16 جون 2017

مردان ءَ کوہنیں دشمنی ءِ پدا ہلاپیانی تیرگواری ءِ آسرا 2 زالبول ءَ ہوار 3 مردم بیران ءُ یکے ٹپی بوتگ۔ مردان ءَ صوابی روڈ باغ کلی ءَ رکشہ ءِ ہلاپیاں تیرگواری کتگ کہ ایشی ءِ آسر ءَ 3 مردم ہما ساھت ءَ بیران بوتگ انت

بندیانی تچگ ءُ روئگ ءَ پد قانون نافز کنوکیں ادارہاں جیل ءَ سرچ آپریشن کتگ ِ

جمعہ,16 جون 2017

سینٹرل جیل کراچی ءَ بندیانی تچگ ءُ روئگ ءَ پد قانون نافز کنوکیں ادارہاں جیل ءَ سرچ آپریشن کتگ ءُ بندیانی بیرکس ءِ پٹ ءُ پول ءِ نیام ءَ منشیات دزگپتگ۔ بنشون ءِ ردا آپریشن ءِ نیام کالعدم گل ءِ کارندہانی تلاشی گرئگ بوتگ

ایم اے جناح روڈ ءُ ایشی ءِ کش ءُ گور ءِ دمک ءُ راہ بند کنگ بوتگ انت ِ

جمعہ,16 جون 2017

کراچی ءَ یوم علی ءِ جلوس ءِ سبب ءَ ایم اے جناح روڈ ءُ ایشی ءِ کش ءُ گور ءِ دمک ءُ راہ بند کنگ بوتگ انت ۔ چہ اڑ ءُ جنجالاں رکہگ ءِ حاطرا ایدگہ راہ ءُ دراں روگ ءُ آہگ ءِ راہ شوہازگ بہ بنت ۔ یوم علی بنجاھی جلوس ءِ سبب ءَ ایم اے جناح روڈ ، لسبیلہ ، گرومندر ، لیاقت آباد ، تین ہٹی ، نیو ایم اے جناح روڈ ، پریڈی اسٹریٹ ءُ صدر سرجم ءَ بند بنت ۔

ملتان ناشرکاری ءِ گر ءُ داری ءِ فورس ءَ کارروائی کتگ ءُ 3 ناشرکار دزگیر کتگ ِ

جمعہ,16 جون 2017

ملتان ناشرکاری ءِ گر ءُ داری ءِ فورس ءَ کارروائی کتگ ءُ 3 ناشرکار دزگیر کتگ ۔ ناشرکار حساسیں جاھاں نشانگ جوڈ کنئگ ءِ منصوبہ بندی کتگ ات ۔ سی ٹی ٹی ءَ ربالکار ءِ ردا چیریں حالے ءِ پدا کالی پلی شجاع آباد ءِ نزیک ءَ کاروائی کتگ

بنجاہی سرکار ءَ چہ پد سندھ سرکار ءَ ھم کسانیں عید ءِ چھٹیانی جار پرینتگ ِ

جمعہ,16 جون 2017

بنجاہی سرکار ءَ چہ پد سندھ سرکار ءَ ھم کسانیں عید ءِ چھٹیانی جار پرینتگ ۔ سندھ سرکار ءَ عیدالفطر ءِ چھٹیانی نوٹیفیکیشن ھم جاری کتگ ۔

پیپلز پارٹی پنجاب ءِ گوستگیں صدر امتیاز صفدر وڈائچ ءَ تحریک انصاف ءَ ھوار بوھگ ءِ فیصلہ کتگ ِ

جمعہ,16 جون 2017

پاکستان پیپلز پارٹی ءِ راہشون فردوس عاشق اعوان ءُ نظر محمد گوندل ءِ تحریک انصاف ءَ روگ ءَ چہ پد گوستگیں وزیر مملکت ءُ پیپلز پارٹی پنجاب ءِ گوستگیں صدر امتیاز صفدر وڈائچ ءَ تحریک انصاف ءَ ھوار بوھگ ءِ فیصلہ کتگ ۔

سروک فاروق ستار ءَ 22 اگست ءِ کیس ءَ دزگیر بوتگیں ءُ نام گپتگیں باسکانی ناشرکاری ِ

جمعہ,16 جون 2017

ایٓم کیو ایم پاکستان ءِ سروک فاروق ستار ءَ 22 اگست ءِ کیس ءَ دزگیر بوتگیں ءُ نام گپتگیں باسکانی ناشرکاری ءِ گر ءُ دار ءِ آمید گس ءَ گند ءُ نند کتگ ۔ باسکاں وتی پریشانی ءُ غم ایم کیو ایم پاکستان ءِ راہشوناں گوں درشان کتگ انت ۔

پشاور ہائی کورٹ ءِ 3 نوکیں ججاں وتی اگدہانی سوگند وارتگ ِ

جمعہ,16 جون 2017

پشاور ہائی کورٹ ءِ 3 نوکیں ججاں وتی اگدہانی سوگند وارتگ۔ چیف جسٹس یحی آفریدی ءَ سوگند وارینتگ انت۔ پشاور ہائی کورٹ ءَ ججانی سوگند زیری مراگش بوتگ کہ ایشی ءِ تہا 3 ایڈیشنل جج شکیل خان، ناصرمحفوظ ءُ ارشد علی ءَ وتی اگدہانی سوگند وارتگ

پولیس ءَ راولپنڈی ءِ دمگ چک بیلی روڈ ءَ ناشرکاری ءِمزنیں منصوبہے بے سوب کتگ ِ

جمعہ,16 جون 2017

پولیس ءَ راولپنڈی ءِ دمگ چک بیلی روڈ ءَ ناشرکاری ءِمزنیں منصوبہے بے سوب کتگ ۔ گرڈ اسٹیشن ءَ نشانگ جوڑ کنوکیں ناشرکاراں سلاہ دور داتگ انت ءُ تچگ ءَ سوبین بوتگ انت ۔ رسانکدر ءِ ردا پولیس ءَ چک بیلی روڈ راولپنڈی ءَ کارروائی کتگ

فیصل آباد ءَ غیرت ءِ نام ءَبرات ءَ وتی 2 گوہار کشتگ ءُ ملزم تچگ ءَ سوبین بوتگ ِ

جمعہ,16 جون 2017

فیصل آباد ءَ غیرت ءِ نام ءَبرات ءَ وتی 2 گوہار کشتگ ءُ ملزم تچگ ءَ سوبین بوتگ ۔ پولیس ءَ لاش پہ پوسٹ مارٹم ءَ ھسپتال ءَ سر کتگ انت ءُملزم ءِ پٹ ءُ پول بنگیج کتگ ۔پولیس ردا اے وئیل فیصل آباد ءِ دمگ نشاط آباد ءَ پیش اتکگ

پشاور ءَ پولیس موبائل ءِ سرا ارش کنئگ ءِ مقدمہ تھانہ سی ٹی ڈی ءَ درج کنئگ بوتگ ِ

جمعہ,16 جون 2017

پشاور ءَ پولیس موبائل ءِ سرا ارش کنئگ ءِ مقدمہ تھانہ سی ٹی ڈی ءَ درج کنئگ بوتگ۔ حالانی ردا گوستگیں روچ ءَ بیگاہ ءِ وھد ءَ 2 موٹر سائیکل سوارانی تیرگواری ءِ آسرا 3 پولیس کارندہ بیران ءُ یکے ٹپی بوتگ

لاھور پولیس ءَ موٹر سائیکل دزانی ٹولی ءِ 4 ملزم دزگیر کتگ ِ

جمعہ,16 جون 2017

لاھور پولیس ءَ موٹر سائیکل دزانی ٹولی ءِ 4 ملزم دزگیر کتگ ۔ ملزمانی قبضہ 6 موٹر سائیکل در اتکگ ۔ اے موٹر سائیکل دزاناں باٹا پور ءَ دزگیر کنئگ بوتگ انت ۔ پولیس ءَ ردا موٹر سائیکل دز پارکس ءُ شاپنگ سینٹراں ڈنا اوشتوکیں موٹر سائیکلاں دزی کناں ۔