World's First Balochi Tv News Channel
  • jQuery News Ticker now has support for right-to-left languages!
  • jQuery News Ticker now has support for loading content via an RSS feed!
  • jQuery News Ticker now has an optional fade effect between items!
  • New updates have been made to jQuery News Ticker! Check below for more details!
  • jQuery News Ticker is now compatible with jQuery 1.3.2! See below for further details and for latest download.
  • Further updates to jQuery News Ticker are coming soon!

شہداد کوٹ ءَ تھانہ ب سیکشن ءِ حد ءَ دو ٹولیانی نیام ءَ جنگ ءُ چوپ ءِ آسر ءَ 10 مردم ٹپی بوتگ ِ

منگل,12 ستمبر 2017

شہداد کوٹ ءَ تھانہ ب سیکشن ءِ حد ءَ دو ٹولیانی نیام ءَ جنگ ءُ چوپ ءِ آسر ءَ 10 مردم ٹپی بوتگ۔ حالانی ردا شداد کوٹ ءَ قیصر بروہی دمگءِ نزیک ءَ وئیل پیش اتکگ ءُ وئیل ءَ ہوارین مردماں لٹ ءُ سنگ کارمرز کتگ ءُ 10 مرم ٹپی کتگ۔

پاکستان ءَ چہ پہلی لوٹ اتگ ءُ دیم سال ءَ پاکستانیاں جوانیں آسراتی دئیگ ءِ دلبڈی داتگ ِ

منگل,12 ستمبر 2017

سعودی عرب ءَ منیٰ ءَ ناقص انتظامءِ پدا حج انتطامیہ ءَ پاکستان ءَ چہ پہلی لوٹ اتگ ءُ دیم سال ءَ پاکستانیاں جوانیں آسراتی دئیگ ءِ دلبڈی داتگ۔ پاکستانی حاجیاںَ وزارت مذہبی امور ءُ سعودی واکدار انی ناقص انتظامانی شکایت کتگ کہ ٹرانسپورٹ نہ بوہگ ءُ منیٰ ءَ تمبو نہ رسگ ءِ سبب ءَ آ بازیں مشکلاں دوچار بوتگ انت۔

زمیندار ایکشن کمیٹی ء ِحاجی عبدل رحمان بازئی ءَ وفاق حکومت ءَ چہ لوٹ کتگ ِ

منگل,12 ستمبر 2017

زمیندار ایکشن کمیٹی ء ِحاجی عبدل رحمان بازئی ءَ وفاق حکومت ءَ چہ لوٹ کتگ کہ ڈنی ملک ءَ چے پیماز لوٹائینگ ءِ فیصلہ واتر زورگ بہ بیت۔ اگاں سرکار ءَ ڈنی ملک چے پیماز لوٹائینت گڑا بلوچستان ءِ زمیندار انی معاشی کوش زانگ بیت۔ اے گامگیج ءِ حلافءَ زہرشانی کنگ بیت۔ کوئٹہ پریس کلب ءَ بلوچستان ءِ جتا جتائیں دمگاں اتکگیں زمیندارانی ہمرائی ءَ کانفرنس کنان ءَ آئیءَ گشتگ کہ مزنیں مدتےءَ رند پیماز ءِ گہتریں نہاد زمیندار اں رستگ۔

نوں سرجمیں دمگ ءَ ڈینگی ءِ اثرمندیں نادراہانی کچ 26 ءَ سر بوتگ ِ

منگل,12 ستمبر 2017

خیبر ایجنسی ءَ ڈینگی ءِ 11 کیس دیم اتکگ۔ نوں سرجمیں دمگ ءَ ڈینگی ءِ اثرمندیں نادراہانی کچ 26 ءَ سر بوتگ۔ ڈینگی ءُ اے دگہ نادراھیانی گر ءُ دار ءِ واستہ پنجاب موبائل اسپےال ءَ 4 روچی فری میڈیکل کیمپ جنئگ بوتگ۔ کیمپ ءَ 18 سد نادراہ انی چیک اپ کنئگ بوؤگ ءَ انت۔

امریکا ءَ آہگ ءِ سرا بندش ۓءِ پیسلہ ءِ سرا عمل کنئگ ءِ واستہ سپریم کورٹ ءَ گوں رابطہ کتگ ِ

منگل,12 ستمبر 2017

ٹرمپ انتطامیہ ءَ 6 مسلمانیں ملک ءِ مردمانی امریکا ءَ آہگ ءِ سرا بندش ۓءِ پیسلہ ءِ سرا عمل کنئگ ءِ واستہ سپریم کورٹ ءَ گوں رابطہ کتگ۔ گوست ءَ سپریم کورٹ ءَ ٹرمپ ءِ دومی صدارتی پرمان ءِ لہتیں شقانی سرا عمل کنئگ ءِ اجازت داتگ۔ ٹرمپ انتطامیہ ءَ سپریم کورٹ ءَ گوں دزبندی کتگ کہ 6 مسلمانیں ملک ءِ مردمانی سرا بندش ءِ صدارتی پرمان نامگ ءِ لہتیں شق ءِ بدل ءَ سرجم ءَ عمل کنئگ بہ بیت۔

اقوام متحدہ ءِ ہائی کمشنر ءِ انسانی حقوق رعدال حسین ءَ ہندوستان ایرادانی نشانگ جوڑ کتگ ِ

منگل,12 ستمبر 2017

ہندوستانءَ مذہبی تعصب ءَ گیشی اتکگ ۔ گوکانی پہریزگ ءِ نام ءَ ناشرکاری ارش ءُ روہنگیا مسلمانانی دراں ڈیھ کنئگ ءُ مقبوضہ کشمیر ءَ زلم ءُ زواکی ءِ ءِ درگت ءَ اقوام متحدہ ءِ ہائی کمشنر ءِ انسانی حقوق رعدال حسین ءَ ہندوستان ایرادانی نشانگ جوڑ کتگ۔ جمہوریت ءِ دعوا داریں ملک ہندوستان کہ اودا اقلیت محفوظ نہ انت

مزن وزیر شاہد خاقان عباسی ءَ گشتگ پاکستان ناشرکاری ءِ ہلاپ ءَ جنگ ءَ انت ِ

منگل,12 ستمبر 2017

مزن وزیر شاہد خاقان عباسی ءَ گشتگ پاکستان ناشرکاری ءِ ہلاپ ءَ جنگ ءَ انت ۔ پاکستان ءِ فوج ءُ انٹیلی جنس ادارہانی سرا امریکا ءِ بندش جنئگ ءَ ناشرکاری ءِ گر ءُ دار ءَ امریکا ءِ جھد ءُ کوشستانی سرا اثر کپیت ءُ امریکا ءِ نیمگا کمکاں کم کنگ ءَ پد مارا تاوان بوت کنت ۔

احسن اقبال ءَ گشتگ مضبوطیں معیشت محکمیں ملکے ءِ ضمانت بوت کنت ءُ سی پیک ءَ دمگ ءِ ارزشت گیش بوتگ ِ

منگل,12 ستمبر 2017

تہی کارانی بنجاہی وزیر احسن اقبال ءَ گشتگ مضبوطیں معیشت محکمیں ملکے ءِ ضمانت بوت کنت ءُ سی پیک ءَ دمگ ءِ ارزشت گیش بوتگ ۔ دژمنانی کوشست انت کہ پاکستان مدام جنجالانی تہا بہ بیت ۔ ہمے وئیل ءُ کش ءُ چیل ءَ سی پیک ءَ تاوان بہ رسیت ۔ رسانکدراں گوں تران کنان ءَ آئی ءَ گشتگ سی پیک ءِ منصوبہ ءَ ہچ وڑیں طاقت ہلاس کت نہ کنت ، پاکستان ءِ سقراط ءُ بقراط دری طاقتانی مردم انت ۔

قومی اسمبلی ءِ اسپیکر سردار ایاز صادق ءِ سروکی ءَ قومی اسمبلی ءِ دیوان برجم دارگ بوتگ ِ

منگل,12 ستمبر 2017

قومی اسمبلی ءِ اسپیکر سردار ایاز صادق ءِ سروکی ءَ قومی اسمبلی ءِ دیوان برجم دارگ بوتگ ۔ اپوزیشن ءَ وزیر ءُ قومی اسمبلی ءِ باسکانی ایوان ءَ ساڑی نہ بوہگ ءِ سبب ءَ ترندیں زھرشانی کتگ ، اپوزیشن لیڈر خورشید شاہ ءَ گشتگ نواز شریف ءَ پارلیمنٹ شرف نہ داتگ پمیشکہ آ گس ءَ شتگ ءُ سر بوتگ

آرمی چیف جنرل قمر جاوید باجوہ 2 روچانی سرکاری تر ءُ تاب ءَ آسٹریلیا ءَ سر بوتگ ِ

منگل,12 ستمبر 2017

آرمی چیف جنرل قمر جاوید باجوہ 2 روچانی سرکاری تر ءُ تاب ءَ آسٹریلیا ءَ سر بوتگ۔ آئی ایس پی آر ءِ ردا آرمی چیف جنرل قمر جاوید باجوہ کینیرا ءَ ڈیفنس فورسز ہیڈکوارٹر ءَ شتگ ءُ سئے ئیں سلاہ بندیں فوجاں گارڈ آف آنر پیش کتگ ۔ جنرل قمر جاوید باجوہ ءَ آسٹریلین آرمی ءُ بحریہ ءِ سروکاں ہوار دری کارانی وزیر ءُ دیمپانی ءِ وزیر ءَ گوں گند ءُ نند کتگ ۔

نیب ءَ شریف حانوادہ ءِ حلاف ءَ جوڑ کتگیں ریفرنسانی پٹ ءُ پول ءَ جے آئی ٹی ءِ سروک واجدضیاء ءُ ٹیم ءِ باسک عرفان نعیم منگی ءِ حذمت پہ وتا زرتگ انت ِ

منگل,12 ستمبر 2017

نیب ءَ شریف حانوادہ ءِ حلاف ءَ جوڑ کتگیں ریفرنسانی پٹ ءُ پول ءَ جے آئی ٹی ءِ سروک واجدضیاء ءُ ٹیم ءِ باسک عرفان نعیم منگی ءِ حذمت پہ وتا زرتگ انت ۔ نیب ءَ پاناماکیس ءَ شریف حانوادہ ءِ ملک ءُ میراسانی پٹ ءُ پول کنوکیں جے آئی ٹی ءِ دو خاصیں باسک واجد ضیاء ءُ عرفان نعیم منگی پہ وتی پٹ ءُ پول ءَ گچین کتگ انت ، ءُ اے دوئینانی حذمت چہ دری ملکاں زانت ءُ سرپدی دست گرگ انت ۔

دری کارانی بنجاہی وزیر خواجہ آصف یک روچی تر ءُ تاب ءَ ترکی ءَ شتگ ِ

منگل,12 ستمبر 2017

دری کارانی بنجاہی وزیر خواجہ آصف یک روچی تر ءُ تاب ءَ ترکی ءَ شتگ ۔ خواجہ آصف ترکی ءَ ترک صدر ، مزن وزیر ءُ ترکی ءِ گوں دری کاری وزیر ءَ گند ءُ نند کنت ۔ گند ءُ نند ءَ دو نیمگی سیادی ، افغان جیڑھ ءَ ہوار دمگی جاورانی بابت ءَ گپ ءُ تران کنگ بیت

ہندوستانی فوج ءَ یکرندے پدا راولا کوٹ سیکٹر ءَ مردمانی سرا بے سبب ءَ تیرگواری کتگ ِ

منگل,12 ستمبر 2017

دری کارانی کارگس ءِ ربالکار نفیس زکریا ءَ گشتگ کہ ہندوستانی فوج ءَ یکرندے پدا راولا کوٹ سیکٹر ءَ مردمانی سرا بے سبب ءَ تیرگواری کتگ ۔ تیرگواری ءِ سبب ءَ یک زالبولے ءَ ہوار 4 مردم ٹپی بوتگ ۔ بن شون ءِ ردا ہندوستان مدام لائن آف کنٹرول ءِ حلاف ورزی کنان ءُ پیداک انت۔ پاکستان ءَ ہر وہدا شہریاں نشانگ کنت۔

سراج الحق ءَ گشتگ کہ حساب ءُ داد ءِ واستہ جوڑ کتگیں ادارہ بے سوب بوتگ انت ِ

منگل,12 ستمبر 2017

جماعت اسلامی پاکستان ءِسروک ءُ سینیٹر سراج الحق ءَ گشتگ کہ حساب ءُ داد ءِ واستہ جوڑ کتگیں ادارہ بے سوب بوتگ انت ۔ نیب کرپٹیں مردمانی واستہ سہولت کار جوڑ بوتگ ، اگاں نیب ءَ داں ستمبرءِ گڈ سرءَ کارکردگی پیش نہ داشت گڑا نیب ءِ کارگس ءِ دیم ءَ نندانک جنئگ بیت ۔ لکڈ منڈی چوک ءَ مہلوک ءِ مچی ءَ گوں سراج الحق ءَ تران کتگ ءُ گشتگ کہ امت مسلمہ ءُ او آئی سی ءِ لاچاری ءُ قران ءَ چہ دوری مسلمانی زوال ءِ سبب انت -