World's First Balochi Tv News Channel
  • jQuery News Ticker now has support for right-to-left languages!
  • jQuery News Ticker now has support for loading content via an RSS feed!
  • jQuery News Ticker now has an optional fade effect between items!
  • New updates have been made to jQuery News Ticker! Check below for more details!
  • jQuery News Ticker is now compatible with jQuery 1.3.2! See below for further details and for latest download.
  • Further updates to jQuery News Ticker are coming soon!
`
Newscaster
Newscaster
Newscaster

شاہد خاقان عباسی ءَ گشتگ کہ پاکستان افغانستان ءَ ہندوستان ءِ ہچ سیاسی کرد نہ گندیت ِ

جمعرات,21 ستمبر 2017

امریکا ءِ تھنک ٹینک کونسل آف فارن ریلیشنز ءَ تران کنان ءَ ملک ءِ مزن وزیر شاہد خاقان عباسی ءَ گشتگ کہ پاکستان افغانستان ءَ ہندوستان ءِ ہچ سیاسی کرد نہ گندیت۔ اگاں یک ملکے ناشرکاری ءِ حلاف ءَ جنگ کنئگ ءَ انت آ ملک ایوکا پاکستان انت۔ پاکستان ءَ حقانی نیٹ ورک ءُ اے وڑیں دگہ ناشرکارانی ہچ نیٹ ورک نیست ۔

احسن اقبال ءَ گشتگ 70 سال ءَ چہ ما در آمدانی جنگ وتی سر ا زرتگ چہ ایشی ءَ مارا ایوک ءَ تاوان رستگ ِ

جمعرات,21 ستمبر 2017

تہی کارانی بنجاہی وزیر احسن اقبال ءَ گشتگ 70 سال ءَ چہ ما در آمدانی جنگ وتی سر ا زرتگ چہ ایشی ءَ مارا ایوک ءَ تاوان رستگ ۔ مروچی ریاست ءَ ناشرکارانگر کتگ انت ۔ ھمے بدلی انت بلے لہتیں مردم مذہب ءِ ردیں تشریع کنئگ ءُ ورناہاں گمراہ کنئگ ءَ انت ۔ اسلام آباد ءَ مراگشے ءَ تران کنان ءَ بنجاہی وزیر ءَ گشتگ پاکستان ءَدرآمدانی جنگ ءَ ھم اولی سرپ ءِ دستا ءِ کرد پیلو کتگ

دری کارانی وزیر خواجہ آصف ءَ گشتگ کہ امریکا ءِ نائب صدر ءَ گوں گند ءُ نند سک باز جوان بوتگ ِ

جمعرات,21 ستمبر 2017

دری کارانی وزیر خواجہ آصف ءَ گشتگ کہ امریکا ءِ نائب صدر ءَ گوں گند ءُ نند سک باز جوان بوتگ۔ امریکا ءَ پاکستان ءِ بیانہ ءِ درگت ءَ بھیسہ ءَ زورگ بوتگ۔ امریکا ءِ نائب صدر ءَ گشئگ بوتگ کہ پاکستان ءَ طالبان ءِ ہچ وڑیں ٹھکانہ نیست۔ ہندوستان ءَ افغانستان ءِ چوہدری جوڑ کنئگ ءِ سرا پاکستان ءَ بازیں وس وس ہست ءُ امریکا اے وس وساں دُور بہ کنت۔

کوئٹہ ءَ آئی جی ایف سی میجر جنرل ندیم انجم ءِ سروکی ءَ محرم الحرام ءِ درچ ءَ ہیڈ کوارٹر ایف سی ءَ سیکورٹی کانفرنسے برجم دارگ بوتگ ِ

جمعرات,21 ستمبر 2017

کوئٹہ ءَ آئی جی ایف سی میجر جنرل ندیم انجم ءِ سروکی ءَ محرم الحرام ءِ درچ ءَ ہیڈ کوارٹر ایف سی ءَ سیکورٹی کانفرنسے برجم دارگ بوتگ ۔ کانفرنس ءَ صوبائی اسمبلی ءِ باسک ، کمشنر کوئٹہ، سی سی پی یو پولیس ءُ جتاجتائیں فرقہاں ھمگرنچیں علماہاں بہر زرتگ ۔

سینیٹ ءِ کائمہ کمیٹی ءِ حزانگ ءَ اسحاق ڈار ءَ استعفیٰ دیئگ ءِ سفارش کتگ ِ

جمعرات,21 ستمبر 2017

سینیٹ ءِ کائمہ کمیٹی ءِ حزانگ ءَ اسحاق ڈار ءَ استعفیٰ دیئگ ءِ سفارش کتگ ۔ سینیٹ ءۓِ کائمہ کمیٹی ءِ دیوان سینیٹر سلیم مانڈوی والا ءِ سروکی ءَ برجم بوتگیں دیوان ءَ سلیم مانڈوی والا ءَ گشتگ چین ءَ جست کتگ کہ چہ اسحاق داڑ ءَ استعفی داتگ آئی ءِ استعفی نہ دیئگ ءَ داں پاکستان نام ءُ دپ بوھگ ءَ انت ۔

سندھ ءِ حکومت ءَ چہ نیشنل بینک ءَ وتی اکاؤنٹ بند کنگ ءُ سندھ بینک ءَ پچ کنگ ءِ فیصلہ کتگ ِ

جمعرات,21 ستمبر 2017

سندھ ایکسائز ءِ سرکاری اکائونٹ ءَ چہ ایف بی آر ءِ تچک ءَ زرّانی کشگ ءَ رند سندھ ءِ حکومت ءَ چہ نیشنل بینک ءَ وتی اکاؤنٹ بند کنگ ءُ سندھ بینک ءَ پچ کنگ ءِ فیصلہ کتگ ۔ پہ اے حاطرا سروزیر سندھ مرادعلی شاہ ءَ حزانگ ءِ محکمہ چہ اسٹیٹ بینک ءَ اجازہ گرگ ءِ ہدایت داتگ ۔

اسلامی تعاون تنظیم ءِ رابطہ گروپ ءَ گوں کشمیری مسلماناں تپاکی درشان کتگ ، چہ سلامتی کونسل ءَ لوٹ اتگ ِ

جمعرات,21 ستمبر 2017

اسلامی تعاون تنظیم ءِ رابطہ گروپ ءَ گوں کشمیری مسلماناں تپاکی درشان کتگ ، چہ سلامتی کونسل ءَ لوٹ اتگ کہ آ وتی قرارداداں عمل بہ کنت ۔ اے نیام ءَ پاکستان ءِ دری کارانی وزیر خواجہ آصف ءَ گشتگ کہ پزورگپتگیں کشمیر ءَ ہندوستان ءِ ظلم ءُ زوراکی ءِ سبب ءَ 95 ہزارءَ گیش کشمیری شہید بوتگاں ۔

جماعت اسلامی ءِ سروک سینیٹر سراج الحق ءَ گشتگ کہ پاکستانی سرکار میاں استمانی سطع ءَ تماشہ جوڑ بوتگ ِ

جمعرات,21 ستمبر 2017

جماعت اسلامی ءِ سروک سینیٹر سراج الحق ءَ گشتگ کہ پاکستانی سرکار میاں استمانی سطع ءَ تماشہ جوڑ بوتگ ءُ ملک ءِ شان ءُ شرف ءِ سرا ہم ٹک جنئگ ءَ انت۔ حزانگ ءِ وزیر ءُ واکدار انی کہول احتساب آمیدگساں پیش بوہگ ءَ نہ انت۔ کرپشن ءِ آماچیں جمہوریت مضبوط بوہگ ءَ نہ انت بلکیں روچ پہ روچ نزور بوہان انت۔

عوامی مسلم لیگ ءِ سروک شیخ رشید ءَ گشتگ شریف کہول ءَ قوم ءِ زر لٹ ءُ پل کتگ انت ءُ در ملک ءَ شتگ ِ

جمعرات,21 ستمبر 2017

عوامی مسلم لیگ ءِ سروک شیخ رشید ءَ گشتگ شریف کہول ءَ قوم ءِ زر لٹ ءُ پل کتگ انت ءُ در ملک ءَ شتگ ۔ آ ہانی اثاثہ مئے اثاثہ انت ، شریف کہول ءَ منی لانڈرنگ کتگ ءُ ملک ءِ شرف ءُ عزت تاوان بار کتگ ۔ سپریم کورٹ ءِ ڈن ءَ رسانکد رءَ گوں تران کنان ءَ شیخ رشید ءَ گشتگ اسحاق ڈار ءِ دزگیری ءِ وارنٹ شنگ بوتگ

آیاں کہ پہ انسانیت ءِ حذمت ءَ باور کن انت ، آنمیران بنت ، اے دنیا نمانیت ، درستاں لڈّگی انت ِ

جمعرات,21 ستمبر 2017

آیاں کہ پہ انسانیت ءِ حذمت ءَ باور کن انت ، آنمیران بنت ، اے دنیا نمانیت ، درستاں لڈّگی انت ، اگاں شرّیں کار کنیں مردمانی دلاں مانیں ۔ ڈاکٹرکلیم اللہ ہیلتھ فاؤنڈیشن ہسپتال ءِ بنداتی دیوان ءَ تران کنان ءَ سروزیر نواب ثناءاللہ زہری ءَ گشتگ کہ اے نفسانفسی ءِ زمانگ ءَ چشیں مردم باز کم انت کہ آ پہ وار ءُ بے وساں جان سلامتی ءُ وانگ ءُ زانگ ءِ ادارہ جوڑ بہ کنت ۔ آئیءَ گشتگ انسان دنیا ءَ ہرچی کٹّ کنت

مزن وزیر شاہد خاقان عباسی ءَ پاکستانی نوبل داد گروکیں نودربر ملالہ یوسف زئی ءَ گوں گند ءُ نند کتگ ِ

جمعرات,21 ستمبر 2017

مزن وزیر شاہد خاقان عباسی ءَ پاکستانی نوبل داد گروکیں نودربر ملالہ یوسف زئی ءَ گوں گند ءُ نند کتگ۔ بن شون ءِ شون ء، ردا گند ءُ نند ءَ پاکستان ءَ گونڈوانی وانگ ءُ زانگ ءِ درگت ءَ حبر ءُ حال کنئگ بوتگ۔ اے درگت ءَ ملالہ یوسف زئی ءَ گشتگ کہ امیت انت

خیبر ایجنسی ءَ پاک افغان دگ ءِ لمب ءَ تراکے بوتگ ، تراک ءَ کسٹم فورس ءِ یک کارندہے ٹپیگ بوتگ ِ

جمعرات,21 ستمبر 2017

خیبر ایجنسی ءَ پاک افغان دگ ءِ لمب ءَ تراکے بوتگ ، تراک ءَ کسٹم فورس ءِ یک کارندہے ٹپیگ بوتگ ۔ ٹپیگ بوتگیں کارندہ اسپتال ءَ سر کنئگ بوتگ ۔ پولیٹیکل انتظامیہ ءِ ردا تحصیل لنڈی کوٹل ءَ شیخ وال ءَ پاک افغان دگ ءَ بمب تراکے بوتگ ،آئی ءِ سبب ءَ یک کارندہے ٹپیگ بوتگ ۔ بمب روڈ ءِ لمب ءَ کل کنئگ بوتگ ۔
8
7
6
5
4
3
2
1