\ Vsh News
World's First Balochi Tv News Channel
  • jQuery News Ticker now has support for right-to-left languages!
  • jQuery News Ticker now has support for loading content via an RSS feed!
  • jQuery News Ticker now has an optional fade effect between items!
  • New updates have been made to jQuery News Ticker! Check below for more details!
  • jQuery News Ticker is now compatible with jQuery 1.3.2! See below for further details and for latest download.
  • Further updates to jQuery News Ticker are coming soon!
Newscaster
Newscaster
Newscaster

بنجاہی تہی کارانی وزیر احسن اقبال ءَ گشتگ پاکستان ءَ جمہوری نظام وھد پہ وھد رپک ءُ ہنراں گوں ہلاس کنئگ بوتگ ِ

جمعرات,17 اگست 2017

بنجاہی تہی کارانی وزیر احسن اقبال ءَ گشتگ پاکستان ءَ جمہوری نظام وھد پہ وھد رپک ءُ ہنراں گوں ہلاس کنئگ بوتگ ۔ چرے سبب ءَ ملک ءَ سیاسی ءُ بے بیسہی ءِ جمہوری سفر جستے ءِ دروشم ءَ پشت کپتگ ۔ اسلام آباد ءَ مراگشے ءَ تران کنان ءَ احسن اقبال ءَ گشتگ 70 سالانی نیام ءَ بازیں ملک چہ پاکستان ءَ پشت ءَ بوتگ انت آ دیما شتگ انت ۔

شریف کہول ءِ حلاف ءَ نیب ءَ 4 ریفرنس جوڑ کنگ ءِ حاطرا 2 ہواریں ٹیم رد ءُ بند داتگ

جمعرات,17 اگست 2017

شریف کہول ءِ حلاف ءَ نیب ءَ 4 ریفرنس جوڑ کنگ ءِ حاطرا 2 ہواریں ٹیم رد ءُ بند داتگ ، حسین نواز ءَ ہوار شریف کہول ءِ 3 کس ءَ 18 اگست ءَ پیش بیگ ءِ واستہ کڈن کنگ بوتگ ۔ حزانگ ءِ وزیر اسحاق ڈار ھم طلب کنگ بوتگ ۔ نیب ءَ پاناما کیس ءِ فیصلہ ءِ ردا لہتیں اھمیں فیصلہ کتگ ۔ نیب ءِ راولپنڈی ءِ ٹیم ءِ سروکی ءَ ڈائریکٹر پنڈی رضوان احمد کنگ ءَ انت ، ٹیم لاہور ءِ سروکی ءَ ریٹائرڈ شہزاد سلیم کنگءَ انت۔

اسحاق ڈار ، آئی ءِ لوگی ، نشار ءُ آئی ءِ 2چکانی 7 کمپنیانی ریکارڈ 23 اگست ءَ طلب کتگ انت ِ

جمعرات,17 اگست 2017

قومی احتساب بیورو ءَ سیکیورٹیز ایکسچینج کمیشن آف پاکستان ءَ چہ اسحاق ڈار ، آئی ءِ لوگی ، نشار ءُ آئی ءِ 2چکانی 7 کمپنیانی ریکارڈ 23 اگست ءَ طلب کتگ انت ۔ زانگ بہ بیت نواز شریف ءِ یک جنکے اسحاق ڈار ءِ نشار انت ۔رسانکدری رپورٹ ءِ ردا نیب ءَ ایس ای سی پی واکدار 23 اگست ءَ لاہور ءَ لوٹائینتگ ءُ آئی ءَ وتی گوما اسحاق ڈار ، آئی ءِ لوگی 2 چکانی ءُ نشارانی کمپنیانی ریکارڈ آرگ ءِ گشتگ ، اسحاق ڈار ، آئی لوگ بانک ءُ 2 چکانی نام ءَ 7 کمپنی رجسٹرڈ انت

لاہور ہائیکورٹ ءَ پنجاب ءِ سر وزیر شہبازشریف ءِ نااہلی ءِ واستہ درخواست دائر کنئگ بوتگ ِ

جمعرات,17 اگست 2017

لاہور ہائیکورٹ ءَ پنجاب ءِ سر وزیر شہبازشریف ءِ نااہلی ءِ واستہ درخواست دائر کنئگ بوتگ ۔ جسٹس عابد عزیز شیخ ءَ درخواست گوشداشتگ ءُ درخؤاست ءِ قابل سماعت بوھگ ءِ بابت ءَ دلائل لوٹ اتگ ۔ درخواست دیوک ءَ وتی موقف ءَ گشتگ کہ سروزیر شہباز شریف ءَ نواز شریف ءِ روانک ءِ سرا سرکاری زر ہرچ ءُ درچ کتگ انت آمید گس ءَ چہ دزبندی انت

پیسریگیں مزن وزیر سید یوسف رضا گیلانی ءَ گشتگ کہ 62 ءُ 63 بھٹو ءَ آئین ءَ مان نہ کتگ انت ِ

جمعرات,17 اگست 2017

پیسریگیں مزن وزیر سید یوسف رضا گیلانی ءَ گشتگ کہ 62 ءُ 63 بھٹو ءَ آئین ءَ مان نہ کتگ انت ، بلکیں ضیاء الحق ءَ مان کتگ انت ، نی اگاں آئین کَپّی چُنڈی کنگ بوت ،گڑا ری ایکشن ھم اتک کنت ۔ آئیءَ گشتگ کہ ما تھنا پاک ءُ پلگاریں گچینکاری لوٹیں ، ما وتی زمانگ ءَ بازیں کارے کتگ ، بلے شنگ ءُ تالان ءُ جاک ءُ کوکار نہ کتگ ۔ پیسریگیں مزن وزیر ءَ گشتگ کہ سوات ءُ مالاکنڈ ءَ آپریشن ما بنگیج کتگ ، ناشرکاری ءِ حلاف ءَ قربانی فورس ءُ مردماں داتگ ۔

بنجاہی وزیر طارق فضل چوہدری ءَ گشتگ آمید گس ماڈل ٹاؤن ءِ رپورٹ ءَ دیما آرگ لوٹیت گڑا بیاریت ِ

جمعرات,17 اگست 2017

بنجاہی وزیر طارق فضل چوہدری ءَ گشتگ آمید گس ماڈل ٹاؤن ءِ رپورٹ ءَ دیما آرگ لوٹیت گڑا بیاریت ، طاہر القادری ءَ زہرشانی ءُ ننداکاں چہ ھچ نہ بیت ۔ رسانکد رءَ گوں تران کنان ءَ آئی ءَ گشتگ پنجاب سرکار ءَ جسٹس باقر نجفی ءِ رپورٹ آمید گس ءَ پیش کتگ ، آمید گس ءَ معاملہ گوشدارگ بیت

پیسریگیں گورنر پنجاب لطیف خان کھوسہ ءَ گشتگ ماڈل ٹاؤن وئیل ءِ مقدمہ ءَ پولیس کارندہ گواہی دیئگ ءۓِ ساڑی انت ِ

جمعرات,17 اگست 2017

پیسریگیں گورنر پنجاب لطیف خان کھوسہ ءَ گشتگ ماڈل ٹاؤن وئیل ءِ مقدمہ ءَ پولیس کارندہ گواہی دیئگ ءۓِ ساڑی انت ۔ رسانکدر ءِ ردا پیپلز پارٹی ءُ راہشون سردار لطیف خان کوسہ ءَ گشتگ ماڈل ٹاؤن ءَ سر وزیر شہباز شریف ءِ گشگ ءِ پدا پولیساں تیر گواری کتگ ءُ اے وئیل ءَ 14 مردم بیران بوتگ ات ۔

الیکشن کمیشن آف پاکستان ءَ سیاسی گلانی نوکیں لڑ شنگ کتگ ِ

جمعرات,17 اگست 2017

الیکشن کمیشن آف پاکستان ءَ سیاسی گلانی نوکیں لڑ شنگ کتگ ۔ لڑ ءَ پیسریگیں مزن وزیر نواز شریف ءِ نام مسلم لیگ ن ءِ صدارت ءَ چہ در کنئگ بوتگ ۔ پاناما کیس ءِ فیصلہ ءَ پد نواز شریف پولیٹیکل پارٹی آرڈر 2002 ءِ ردا کجام ھم سیاسی گلے اگدہ دار ھم بوت نہ کنت ۔

مسلم لیگ ن بلوچستان ءِ سینئر راہشون سینیٹرسردار یعقوب ناصر مسلم لیگ ن ءِ اداراکی صدر گچین کنئگ بوتگ ِ

جمعرات,17 اگست 2017

مسلم لیگ ن بلوچستان ءِ سینئر راہشون سینیٹرسردار یعقوب ناصر مسلم لیگ ن ءِ اداراکی صدر گچین کنئگ بوتگ ۔ راجا ظفر الحق ءَ سردار یعقوب ناصر ءِ نام پیش کتگ ۔ بنشون ءِ ردا مسلم لیگ ن ءِ بنجاہی مجلس عاملہ ءَ سردار یعقوب ناصر ءِ نام توثیق کتگ ۔

مصطفی کمال ءَ گشتگ ایم کیو ایم ءِ بنہشت ایر کنوک ءَ جشن آزادی ءِ روچ ءَ سیاہیں روچ دارگ ءِ گپ جتگ ِ

جمعرات,17 اگست 2017

پاک سرزمین پارٹی ءِ چئیر مین مصطفی کمال ءَ گشتگ ایم کیو ایم ءِ بنہشت ایر کنوک ءَ جشن آزادی ءِ روچ ءَ سیاہیں روچ دارگ ءِ گپ جتگ ءُ گشتگ کہ پاکستان ءِ بیرک ماندارگ ءُ ویڈیو جوڑ کنئگ بہ بیت ۔ کراچی ءَ رسانکد رءَ گوں تران کنان ءَ مصطفی کمال ءَ گشتگ کہ ایم کیو ایم ءِ بنہشت ایر کنوک ءَ پاکستان زاہ ءُ بد کتگ آئی ءَ مہاجرانی نام گپتگ ءُ زاہ ءُ بدکتگ ۔

لاہورءِ سیٹ این اے 120 ءَ امیدواری کاگدانی پٹ ءُ پاس ءِ مرچی گُڈّی روچ انت کہ کاگد رد کنگ یا منّگ بہ بنت ِ

جمعرات,17 اگست 2017

لاہورءِ سیٹ این اے 120 ءَ امیدواری کاگدانی پٹ ءُ پاس ءِ مرچی گُڈّی روچ انت کہ کاگد رد کنگ یا منّگ بہ بنت ۔ ریٹرننگ آفیسرانی دیما پیسریگیں مزن وزیر نوازشریف ءِ لوگ بانک بیگم کلثوم نواز ھما امیدوار انت کہ آئیءِ امیدواری کاگدانی سرا ایراد آرگ بوتگ ۔ نواز شریف ءِ نااہلی ءَ رند اے سیٹ ءَ کلثوم نواز ءِ امیدواری ءَ اہمیت پیداک کتگ ۔ قانون زانتانی گشگ انت

قومی اسمبلی ءِ حلقہ 120 ءِ ضمنی گچین کاریاں پی ٹی آئی ءِ امید وار یاسمین راشد ءِ نام گپتگیں کاگد منظور کنئگ بوتگ ِ

جمعرات,17 اگست 2017

قومی اسمبلی ءِ حلقہ 120 ءِ ضمنی گچین کاریاں پی ٹی آئی ءِ امید وار یاسمین راشد ءِ نام گپتگیں کاگد منظور کنئگ بوتگ پیپلز پارٹی ءِ امید وار فیصل میر ءَ یاسمین راشد ءِ بابت ءَ احتراضات پدا زرتگ انت۔

پاک فضائیہ ءِ ایف سیون بالی گراب سرگودھا ءِ نزیک ءَ کپتگ ءُ تبا بوتگ ۔ وئیل ءَ 2 فائلٹ ٹپیگ بوتگ ِ

جمعرات,17 اگست 2017

پاک فضائیہ ءِ ایف سیون بالی گراب سرگودھا ءِ نزیک ءَ کپتگ ءُ تبا بوتگ ۔ وئیل ءَ 2 فائلٹ ٹپیگ بوتگ ۔ رسانکدر ءِ ردا پاک فضائیہ ءِ بالی گرا ب ھمروچگی ئیں آپریشنل تربیتی مشن ءَ بوتگ کہ اناگاہ ءَ آئی ءِ تہا حرابی اتکگ ،فائلٹ ءَ کنٹرول سینٹر ءَ گوں رابطہ کتگ ءُ اے بابت ءَ سرپد کتگ ۔ایف سیون بالی گراب سرگودھا ءِ دمگ بھاگٹا انوالہ ءِ کشارانی تہا کپتگ ءُ تباہ بوتگ ۔

ناشرکاری ءِ حلاف ءَ ملک ءَ برجاہیں آپریشن رد الفساد ءَ پولیس ءَ خانیوال ءَ سرچ آپریشن ءَ 9 کس دزگیر کتگءُ 38 لیٹر شراب درگیتکگ ِ

جمعرات,17 اگست 2017

ناشرکاری ءِ حلاف ءَ ملک ءَ برجاہیں آپریشن رد الفساد ءَ پولیس ءَ خانیوال ءَ سرچ آپریشن ءَ 9 کس دزگیر کتگءُ 38 لیٹر شراب درگیتکگ ۔ خانیوال ءِ دمگ کبیر والاءُ بستی بھاولپور ءَ پولیس ءَ سرچ آپریشن کتگ ، ایشی ءِ نیام ءَ 31 ءَ گیش لوگ ، مسافر حانہ ، ءُ ہوٹلانی پٹ ءُ پاس کتگ ۔

کراچی نادرن بائی پاس ءِ نزیک ءَ پولیس رضاکارانی سرا تیرگواری ءِ سبب ءَ یک رضاکارے کُشگ بوتگ ءُ دومی ٹپیگ بوتگ ِ

جمعرات,17 اگست 2017

کراچی نادرن بائی پاس ءِ نزیک ءَ پولیس رضاکارانی سرا تیرگواری ءِ سبب ءَ یک رضاکارے کُشگ بوتگ ءُ دومی ٹپیگ بوتگ ۔ ایس ایس پی ملیر راؤ انوار ءِ گشگ ءِ ردا رضاکاراں وتی ڈیوٹی حلاص کتگ

عمران خان ءَ سیاست ءَ چہ چھٹی گپتگ ءُوادی سپات ءِ تر ءُ تاب ءَ شتگ ِ

جمعرات,17 اگست 2017

عمران خان ءَ سیاست ءَ چہ چھٹی گپتگ ءُوادی سپات ءِ تر ءُ تاب ءَ شتگ ۔ عمران خان ءَ وتی تر ءُ تاب ءِ وھد ءَ گشتگ پہ سئیل ءُ سواد ءَ نوکیں ءُ دلکشیں ندارگانی شوھاز ءَ درکپتگوں بژن ءِ گپ انت کہ پاکستان ءۓِ جوڑ بوھگ ءَ پد انگت ءَ ما اے سئیل ءُ سوادیں جاگہانی سرا شری ءَ دلگوش نہ داتگ ۔

گوجرانوالہ ءَ پولیس ءَ کارروائی کتگ ءُ 2 ڈنگ دزگیر کتگ ءُ آہانی گور ءَ چہ 12 لکھ کلدار دزگپتگ ِ

جمعرات,17 اگست 2017

گوجرانوالہ ءَ پولیس ءَ کارروائی کتگ ءُ 2 ڈنگ دزگیر کتگ ءُ آہانی گور ءَ چہ 12 لکھ کلدار دزگپتگ ۔ رسانکد رءِ ردا گوجرانوالہ ءَ پولیس ءَ دگ ءِ سرا پٹ ءُ پول بندات کتگ کہ ھمے نیام ءَ 2 مردم ءِ گور ءَ 12لکھ کلدار ءُ جدید سلاہ دزکپتگ پولیس ءَ ھما دمان ءَ دوئیں ملزم دزگیر کتگ انت ۔
8
7
6
5
4
3
2
1