اتوار , فروری 18 2018
Breaking News
Home / پاکستان / احسن اقبال ءَ گشتگ کہ ناشرکاری ءِ حلاپ ءَ سرجمیں قوم ءَ ہواری ءَ جنگ کتگ

احسن اقبال ءَ گشتگ کہ ناشرکاری ءِ حلاپ ءَ سرجمیں قوم ءَ ہواری ءَ جنگ کتگ

تہی کارانی بنجاہی وزیر احسن اقبال ءَ گشتگ کہ ناشرکاری ءِ حلاپ ءَ سرجمیں قوم ءَ ہواری ءَ جنگ کتگ ءُ نیشنل ایکشن پلان ءِ وسیلہ ءَ سرجمیں قوم ءَ ناشرکاری ایرجتگ ، بائد انت کہ دنیا ناشرکاری ءِ حلاپ ءَ جنگ ءَ پاکستان ءِ سوبمندیں تجربہاں نپ بہ زوریت ۔ لندن ءَ پاکستانی ہائی کمیشن ءِ دیما احوالکاراں گوں تران کنان ءَ احسن اقبال ءَ گشتگ کہ امریکا ءِ پاکستان ءَ یک نیمگی کارروائی ءَ دو نیمگی سیادیانی سرا اثر کپتگ ، پاکستان ءَ ترسینگ ، بیہار دئیگ یا زور ءُ زبردستی پہ دوئیں ملکانی واستا نپ نہ انت ، احسن اقبال ءَ گشتگ افغانستانی وتی بے سوبیانی زھر ءَ بایدیں پاکستان ءِ سرا مہ کشاں ، ناشرکاری ءِ جیڑھ ءِ گر ءُ دار ءَ عسکری کارروائیانی ہمرائی ءَ سیاسی تکاں ھم کار کنئگ بیت ، ما امریکا ءِ گوما مدام شرف ءُ عزت ءَ کار کنگ لوٹیں ، پاکستان ءِ نپانی ہلاپ ءَ کجام ہم سازش ءُ جہدے بوت گڑا آ الم پسہ دئیگ بیت ، پاکستان ءَ مدد ناں بلکیں بئیپار لوٹیت ، گوستگیں لہتے سالاں پاکستان ءِ 60 ہزار ءَ چہ گیش مردم ناشرکاری جنگ ءَ بیران بوتگ ءُپاکستان ءِ معیشت ءَ 25 ارب ڈالر تاوان رستگ ۔

About Web Desk

Check Also

تحریک انصاف ءِ رہشون جہانگیر ترین چک علی ترین ءَ گشئتگ مئے گیشیں وش فہمی مئے بے سوبی جوڈ بوت

تحریک انصاف ءِ رہشون جہانگیر ترین چک علی ترین ءَ گشئتگ مئے گیشیں وش فہمی …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے